Kohhran huang chhûngah hian \awngkam chheh dik loh palh a awm chuan thil pawi tak a ni thei, a chhan chu Mizote kan inpàwl khâwmna hun / hmun tam ber a nih vàng a ni. Chuvàngin, kan theihtâwpa \awngkam hman kan duhtui pawh a \ûl âwm e. Kohhran huang chhûnga \awngkam kan hman dik loh langsar zualte lo tarlang ila.
A che : Kan \awng\ai hian ‘I fapa Isua Krista hmingin kan dîl a che’ kan tih hi a che ti lovin e tih mai tùr.
Ang : Kohhran anga / Hmeichhia anga / K|P ang pawha kan tih hi- Kohhranin / Hmeichhiain / K|P hminga tih mai tùr a ni.
Anga : Hun kal tawh sawi nána anga tih hi a dik lo. Entîrnán- ‘Niminah an inah ka léng a; a lo mu zawn zawn ang a’ tih ang chi hi. ‘Niminah an inah ka léng a; a lo mu zawn zawn a’ tih mai tùr a ni. Ang tih hi hun lo la thleng tùr sawina a nih avàngin hun kal tawh sawi nán hman a rem lo.
Awmhlei/Inhlei/Ninhlei/Kuthlei : Naupang harh che zawk zawk sawi nán Ninhlei tih tùr a ni. Awmhlei kan hman chuan mipat hmeichhiat / nulat tlangval kára harh deuh sawina a ni. Kuthlei chu kuta pawi khawih tihna a ni.
Bengchheng siam : ‘Naupangho kha bengchheng siam suh u’ ti lovin, “Naupangho kha bengchheng suh u,” tih mai tùr a ni.
Bible cháng i lo chhiar ang u / Pathian thu helai cháng hi kan chhiar ang e.../ He lai Pathian thu hi kan tiri ang e: Bible cháng chauh kan chhiar chuan a ho âwm êm mai, nambar ringawt chhiar te chu a! ‘Pathian Thu i lo chhiar ang u’ tih nise. Pathian thu helai cháng hi kan chhiar ang e... ti lo hian kan kal dàn pangngai ‘Pathian thu i lo ngaithla ang u’ tih mai a \ha zâwk ang. Tiri ti lo hian chhiar ti mai bawk ila.
Chhûn Inkhâwm / Chawhnu Inkhâwm : Chawhnu Inkhâwm tih tùra Chhûn Inkhâwm kan tih \hin hi a dik lo; Chawhnu Inkhâwm tih tùr a ni ( 2006 Synod Gen. No.58).
Che-in : |awng\ainaa min ‘tihhlawhtlinsak/tîr tùr chein ka dîl a che’ ti \hìn kan awm - Min tihhlawhtlinsak/tîr tùrin ka / kan dîl e tih mai a tâwk.
Chiangkuang lo/Chiangkuang : Chiangkuang tih hi ‘lo’ in a zawm ngei ngei tùr a ni a, hranga hman loh tùr. Nikhua/ mumal tih pawh ‘lo’ nêna zawm zêl tùr a ni.
Chumi avàng chuan : Chumi avàng chuan ti duah lo hian chuvàngin/chuvàng chuan ti mai ila.
Chutiang ang / Hetiang ang : Chutiang / Hetiang tih hi chuti ang / heti ang tihna a ni a, ang tih belh a ngai tawh lo.
Chutiang zêlin : Inkhâwm hruaituin hla cháng khatna a chhiar zawha ‘chutiang zêlin’ a tih \hin hi ‘a chhiar zawh tâk ang zêl chuan’ tihna tluk a ni a; cháng khatna chauh sak reng thu awm lo! Chuvàngin, hman loh mai emaw, a thu \henkhat ka’n chhiar ang e’ tih mai emaw ni ta se.
Date...Ni : Dt.12.11.2007 tih hi \henkhatin Date Ni 12 thla 11, 2007 tia lam kan awm \hìn a; Date tih tawh chuan Ni tih tel leh \alh a \ûl tawh lo. Tin, Date ti lo hian Ni tih hmang ila a duhawm zâwk.
Daih/Tlin : Daih chuan tam lam a sawi a; tlin chuan hlai/sei lam a sawi. Thawktu châwmna Rs. 1,000-in kan tlin lo. Hetah hian ‘Daih’ hman tùr a ni.
Dawt/Dawh : ‘Han ti hmasa la, i dawtah ka rawn ti ve ang,’ dawhah ni lovin. Dawt tih chu indawt sawina a ni a; dawh chu thil eng emaw lo dawnna tùra hnuai lama thil dah a ni.
Entîrnán/ tehkhin nán/khaikhin nán : Hê’ng thute hi kan hman pawlh nual mai. Entîrna chu kan thil sawi, a vãia sawi vek sèn loh, hriatthiam theih nána a \hen a zâr chauh sawi lan emaw, thil sawi duh dàn hminghmerh bîk awm lo va sawi chian harsa deuh, a chian hma nán hminghmerh han neih emaw hi a ni ber.Tehkhin chu thil chi dang daih; mahse inanna lai nei si sawi nána hman a ni. Khaikhin chu thil inang pahnih emaw a aia tam emaw an \hatna leh \hat lohna bûktawn tihna a ni.
Fai/Thianghlim : Fai chuan a lan dàn a kawk deuh a; hmun te, silhfen te, bungruate hi fai tia sawi an ni deuh \hìn a; mahse rawng êng lamah thianghlim tia sawi a ni ve \hìn. Ei tùr lam chi leh mita hmuh theih loh chite hi thianghlim tia sawi a ni \hìn. A ep lam sawi ila a chiang mai awm e : Fai-bal, thianghlim-bawlhhlawh.
Han ban phar : Rorèl nikhua-ah leh Sande sikulah hian bán phartîr \ûl cháng a awm \hìn. Han tih hi bán leh phar tih inkárah a awm ngei tùr a ni. ‘Bán han phar teh u’ tih mai tùr a ni.
Hla hlân : Zaipáwl leh mimal zái tùr koh hian ‘...hla buatsaih hlân tùrin i lo sáwm ang u’ tia hmang kan awm \hìn a; hla hi hlan chi a ni lo, sak chi a ni tih kan hriat a \ha âwm e. ‘Hla sa tùr / zai tùr’ tih mai a tâwk e. Hla siamtu/Phuahtu : Pulpit-ah meuh ‘Hla siamtuin a lo sawi angin...chumi/khami...’ kan ti fo mai. Hlaphuahtu tih mai awm tak a ni. Mahse tunah hian Siamtu telh thar a ni a. Kan hla lâk chhuah / thlan kha en ngun deuh a \ha âwm e.
Hloh/hlauh : Thil tibo hi hloh a ni a, mi \henkhatin hlauh an ti tlat mai! Thil tihbo leh kiam lam sawi nán chuan hlauh hmang lovin hloh i hmang ang u.
Inhmuhsit / inzahpui : Mahni leh mahni tling lo nia inhriat thu sawi nán inhmuhsit/inhmusit ti lo vin inzahpui / insit tih tùr a ni.
Mipat Hmeichhiat/Hmeichhiat Mipat : Mipat hmeichhiat tih tùr, Mipa tih sawi hmasakna awmchhun a nih hmél.
Hnung kár : Kár hmasa tih aia hnung kár tih hi a dik lo.
Hotu/Hruaitu : Sande Sikul tih lohah hi chuan kan Kohhran hian Hruaitu kan ti \hìn. Bial Hotu ti kan awm leh \hìn; hei hi a dik lo.
Hlahriltu/ hla cháng sawitu : Hlahriltu tih a nih chuan a thu lam rîk dàn tùr ngau ngaua lam ri lo, sa deuh lek lek, thlûk deuh, lungkuai hnâpa hla thu hrìl hi a kâwk a; hla cháng sawi tih chuan a thu ang ngau ngau chhiar chhuah tawp hi a kâwk deuh bîk.
Pavalai : Va tih hi bapui tiha ba anga lam rì kan awm \hìn a, vaki tiha va anga lam rîk tùr a nih zâwk hmél e.
Hril/Hrilh : Hril tih a nih chuan a lo ngaithlatu lam sawi tel a ni lo va; hrilh tih a nih chuan ngaithlatu kan sawi tel, Chanchin |ha kan hril tùr a ni a; la hre lote kan hrilh tùr a ni.
I hnênah kan dîl a che : |awng\ai tâwp dáwna \awngkam kan hman \hin ‘I hnênah kan dîl a che’ tih hi a bul lama ‘i hnênah’ tih a nih tawh chuan a tâwpah ‘kan dîl a che’ ti lovin ‘kan dîl e’ tih tùr a ni. A tâwpa ‘kan dîl a che’ kan tih dáwn chuan a hma lamah ‘i hnênah’ tih telh loh thung tùr a ni. Tin, mipui aiawha kan \awng\ai a ‘ka dil e’ tih pawh hi kan tih hman ni se. Tin, \awng\ai tâwpa ngên tih pawh hi chhût chiang ila, dîl tùr kan ni zâwk lo’m ni?
I lo...ila : Pathian thu i lo chhiar ila, hla i lo sa ila, i lo zai ila tih hi a dik lo. Mizo \awng kàlhmangah chuan ‘i lo’ tih chu ‘ang u’ tiin a tâwp \hìn a; a tâwpa ‘ila’ tih kan hman dáwn chuan a bulah ‘i’ hman ve tùr a ni lo. ‘I’ tel lovin ‘Lo’ tih ringawt hman tùr a ni. Pathian thu lo chhiar ila / Pathian thu i lo chhiar ang u / hla lo sa ila / hla i lo sa ang u / lo zai ila / i lo zai ang u ti mai ila.
Ka sawi lo vang a...ka ti zet na a... : Committee leh Sharing nikhua hian ‘ka sawi lovang ka ti zet na a’ ti \hìn kan awm, tû hnênah nge ‘Ka sawi lovang’ kan lo tih le aw......Committee-ah ngat phei chuan he thu hi sawi loh tawp tùr a ni. A chhan chu rorél tùr, ngaih dàn sawi tùra Committee-a tel a nih avàngin. Tin, Chairman-in \an dáwna, “Midangte chu lo la kal zêl tùrah ngai ila a \ha ang e,” tih pawh hi a \ûl lêm lo.
Khán : ‘Thla tharah khán Carol Service neih tùr a nih kha’ tih ang chi hi hun lo la thleng tùr a nih avàngin khian tih zêl tùr a ni.
Lal biakna : Lalpa \awng\aina tih tùr hi Lal biakna ti hrãm kan awm nia!
Lâwmthu : ‘Lâwmthu sawi kan duh / kan bá / tùr kan nei tam hle’ kan tih \hin hi kan lãwm takzet tih mai a \ha.
Lâwmthu sawi chungin ka / kan dîl e : |awng\ai tìr lamah Pathianin min vèn avàng te, min kaihhruai avàngtein etc lâwmthu kan sawi \hìn a; a tâwp dáwnah Lâwmthu sawi chungin ka / kan dîl e tih hi a \ûl tawh lêm lo. Hei hian a kawh chu dilna ringawtin ka \awng\aina ka titâwp takngial dâwn e, lâwmthu sawi hman lo mah ila ‘lâwmthu sawi chungin’ tih kan zep leh ang e tihna tluk a ni tih hriat a \ha âwm e.
Lituk/lutuk : Lutuk tih tùr a ni.
Malsâwm \awng\aina : Malsâwmna tih mai a tâwk.
Mi tinte/Mi mal tin : Mi tin tih hian mi zawng zawng a huap vek tawh avàngin ‘te’ belh a ngai tawh lo. Mi mal tin tih duah lo hian ‘mi tin’ ti mai ila. Min \ansaktu / kan \antu : ‘Kan inkhâwmna min \ansaktu / kan \antu i lo sáwm ang u’ kan ti fo mai, min \ansaktu ti duah lovin ‘\antu’ tih mai emaw ‘Tunah \antu kan lo sáwm ang a’ emaw ti mai ila.
Min/Kan Chhandamtu : ‘Kan Chhandamtu, Isua hmingin kan dîl a che’ ti \hìn kan awm a, Kan tih aiah Min tih zâwk hmang ila.
Mitthi nge kan ral an chhûngte : Mitthi kan rál a; an chhûngte hnênah ralna thilpêk kan pe \hìn.
Mitthi/Mithi : Mithi ti kan awm \hìn a; Mitthi tih tùr a ni.
Mittlung/mittling : Mittlung tih tùr a ni.
Mo/Monu/Mopa/Moneitu : Mo chu hmeichhe pasal nei hi a ni a, Monu chu pasal nei nu a ni a, Moneitu chu pasal nei pasal neih tak kha a ni leh a, Mopa chu pasal nei pa kha a ni tih i hria ang u.
Na : Kan hruaituin rem a tih hunah report-na / Secretary-in thupuanna a nei ang a/|awng\aina ka nei ang a/ Thawhlawm khawnna leh hlanna kan nei ang a / Hun tâwpna kan siam ang/ Banna hla kan sa ang /An inneih sâwmna lo nei se la / Zaipawl sâwmna ilo nei ang u / Thupui zirna kan nei ang a/ Thingpui in hona etc kan ti duah \hìn a. Na telh \ãlh hi a \ûl lêm lo. Kan hruaituin rem a tih hunah report se / Secretary-in thu a puang ang a / Kan |awng\ai ang a / Thawhlawm khawn a ni ang / hlân ang a / Hun tâwp kan siam ang/ Ban hla kan sa ang. An inneihna tùrah member-te min han sâwm se la / zaipáwl i lo sâwm ang u / Thupui kan zir ang a/ Thingpui kan in ho ang etc tih mai tùr.
Nachin/Nichin : Nichin tih tùr. Na tih hi chuan hun lo la kal tùr sawina lam a kâwk, entîrnán- Nakkum, Naktûk etc.
Naktûk zan : Nakzan tih tùr.
Nánah/Tánah/Tùr atán : Nán hi na atán tihna a ni a; ah hi atán tihna a ni tawh sa reng a, hman kawp chi a ni lo. Entîr nánah / mi dang tánah / sum hmuhna tùr atán tih \al(h) loh tùr. Entîrnán / mi dang tán / sum hmuh nán tih mai ni se.
Nawn-thar : Nawn tih hman tawh chuan thar tih hman leh kher a \ûl lêm lo.
Nise la : ‘Kan inhriattîr ni se la’ ‘lâwmthu kan sawi ni se la’ ‘ni se la’ tih aiah ‘a ni’ tih mai tùr. Ni sela tih hi i hmang lo ang u.
Ningani : Nilaithawh\an/ Nilini tia hmang kan awm, Ningani tih hi hman tlan ni zâwk se a \hat hmél zâwk e.
Ngaimawh/Ngaipawimawh : Hun ruat dik taka \an hi ngaipawimawh ila; hun vawng dik lote hi ngaimawh tùr a ni.
Ngelnghet/Ngialnghet : Ngialnghet tih loh tùr; Ngelnghet tih tùr.
Puan bih/Veng : Mipain puan an veng a, Hmeichhiain an bih.
Sakramen/ruai \heh : Sakramen hi ‘buatsaih’ tia sawi kan awm fo a, ‘\heh’ tih hi hman lar zâwk a ni. Ruai hi \heh \hin a ni a; chawhlui hi kîl \hin a ni.
Sên ral: Sên tih hi hman / tih ràl sawina a nih tawh avàngin ràl tih sawi tel a \ûl tawh lêm lo.
Sawi tùr ka ngah, hunin min daih si lo; sawi vek lo mai ang... tih hi phûng thlûkna \ûl lêm lo tak niin a lang.
Tatu/Neitu/Intitatu/Intineitu : Kohhran chu a intineitu / neitu tih tùr, tatu / intitatu ni lovin.
Thilpêk min hlansak : Inkhâwm hruaituin thilpêk hlân tùra mi dang a sàwm hian ‘Thilpêk min hlansak tùrin.......i lo sáwm ang u...’ an ti fo mai, min hlansak ti duah lovin Thilpêk hlân tùrin tih mai a tâwk ang.
Thlâk + awm : Thlâk tih leh awm tih hi awmze thuhmun reng a ni a. Lainatthlâkawm / khawngaihthlâkawm / hlimthlâkawm/thinrim-thlâkawm tih \ãlh hi a \ûl lo. Lainatthlâk /lainatawm/ khawngaihthlâk /hlimawm/hlimthlâk/thinrimthlâk ti mai ila.
Thuamhnaw/thawmhnaw : Thawmhnaw tih tùr.
Tun hunah : Tun tih hi hun sawina a nih tawh avàngin hun tih belh leh hi a \ûl lo. Tunah tih mai a tâwk.
Tun kum/ kumin : Kum kal lai, kan hman mêk hi tun kum ti lovin kumin tia sawi \hin tùr a ni.
Tunah leh kum khuain : Malsâwmna (benediction) tâwpa ‘tunah leh kum khuain / tunah leh chatuanin’ tih ai hian ‘tun a\ang ...’ tih hi a nalh zâwk ang.
Tùrah ngai ila : Thil la tih tùra ngaih, tih ngei tùr a nih leh nih loh chian lohvin hman a ni \hìn. Thil tih tùr chiang reng a nih chuan ‘kan la ti ang a’/ ‘An la ti dáwn a’ tih mai tùr.
Uihawm/uiawm : Uiawm tih tùr a ni.
Vantláng/Vangtláng : Vangtláng tih hi dik zâwkin lang mah se vantláng ti zâwk ila a \hat zâwk a rinawm.
Vawiin zan / tun zan : Zanin tih tùr.
Vawiin zîng/tûkin zîng : Tûkin tih mai a tâwk.
Vawiin/Vawiin nî /Vawiin nî-ah : ‘Vawiin nî’ tih hi hun ral tawh a\anga thil inchhunzawm zêl chi, vawiin thlenga la tâwp lo sawi nán hman \hin a ni tih hria ila. Vawiin tih mai tùra ‘Vawiin ni’ tih zen hi a \ûl lo. Vawiin nî-ah ti lovin Vawiinah tih mai a tâwk.
Zanriah/Tlai chaw : ‘Palaite tlai chaw ei \heuh tur...’ kan ti fo mai. Tlai chaw ti lovin zanriah tih tùr a ni e.
Kan lam rîk dik loh |hin te
Amen : Mizo \awng chu a ni lo na a, kan \awng tluka kan hman a ni a. ‘Men’ tih hi ‘Lumen’ tiha ‘men’ ri anga lam lovin lunglên tiha ‘lên’ ri anga lam nise.
Bèi tham : Ri hniam ve ve tùr a ni.‘Pheichham’ tih anga lam tùr.
Ei : Ni tin kan ‘ei’ khawpin chaw min pe ang che tiha ‘ei’ hi a ri hniam tùr a ni. ‘Pawisa hmang khawp min pe’ kan ti ngai lo.
Ngáithla/ngaithla : Ngai tih hi ‘ngai thei lo’ tiha ‘ngai’ tih ri anga lam ri kan awm \hìn a, ka nu ka ngái tih a ngái anga ri tùr a ni zâwk.
Nghal : Lo kal nghal rawh tiha nghal tih hi ‘a kûk rai(h) mai’ tiha rai(h) tih ri anga lam ri kan awm a; ‘Hall’ tih ri anga lam rîk tùr.
Huphurh: ‘Hu’ tih hi ri sánga lam lovin a hniam tùr a ni. Tuboh tih ri angin.
Kal hmang/Kal phung : ‘Kal’ tih hi a ri hniam ve ve tùr a ni. ‘Kalkawng’ tih ri anga lam tùr a ni.
Kèn/ken : ‘Keng’ tih nán kan hman chuan ri hniam tùr a ni. Camping-ah Bible kèn \heuh tùr. Derhken tiha ‘Ken’ ang hian a ri tùr. ‘Kian’ tih nána kan hman chuan ‘Pen’ tih anga lam rîk tùr a ni.
Khup zãwi : ‘Khawng lo’ tihna - zawi angin kan lam ri \hìn a, ‘Buai’ tih ri anga ri tùr a ni.
Muhil : Fai taka kut sìl tùr tiha sìl tih kan lam ri anga ‘hil’ tih hi lam ri kan awm \hìn a; Saphîng tiha phîng tih ri anga lam tùr a ni.
Nuãm : Hla thua nuãm (châk) tih hi ‘tuãm’ tih anga lam rîk tùr.
Pakai : Páwl danga ‘Pakai’ tih hi pa tih ri sánga lam kan awm \hìn a, pahnih tiha pa tih ri angin ri hniama lam tùr a ni.
Rorèl : K|P rorèl inkhâwmah rorél an \hahnem hle. Rorèl inkhâwm tiha rèl hi ri hniam tùr a ni a, rorél tih lai erawh chu ri sáng tùr a ni thung. Rùra : ‘Rùra’ tiha rù tih hi intithu tiha thu anga lam ri kan awm a; rùlei tiha rù anga lam rik tùr a ni.
Sawi\áwm/sawi\àwm: Buarchàwm tih anga lam ri lovin choká tih anga lam rîk tùr a nih hmél.
Te’n : Mi / thil pakhat aia tam sawi nána hman \hin ‘te’n’ tih hi ‘tenchhia’ tiha ten angin kan lam ri \hìn a; ‘Derthawng’ tiha ‘der’ ri anga lam rîk tùr a ni.
Thàr thawh: Thar tih hi Dinthar Véng tiha thar tiha anga lam tùr a ni.
Thawhlawm : Pawisa kan thawh láwm a; Thawhlâwm a lo ni. Ri hniama lam ve ve tùr a ni. ‘Párbáwr’ anga ri lovin, ‘Buhhum’ ri ang tùr a ni. Thilpêk leh Thawhlâwm tih hi kan hman pawlh nual bawk a. Inkhâwm hruaina bu leh PCI Dàn Bu Bung IV (a)-ah Thilpêk tih hman a ni.
Thununna/Thunun/thunùn : ‘Nunna’ tih lai hi ‘Rinna’ tih ri anga lam \hìn kan awm a; ‘Punna’ tih ri anga lam \hin tùr a ni.
Thessalonika : Thessolonika tia lam lovin Thessalonika tih tùr.
Tlansa: Tlantu tih ri ang ni lovin‘bawngsa’ tih ri anga lam rîk tùr.
Tleirãwl/Ráwlthar : Tleirãwl chu hmeichhia, naupang ni tawh lo, puitling \an, puitling tak taka la chhiar lo deuh si te an ni a. Meidil tih ri anga lam rîk tùr. Ráwlthar chu mipa, naupang ni tawh lo, puitling \an, puitling tak taka la chhiar lo deuh si te an ni a, thianghlim tih anga lam tùr a ni.
Vawi : ‘Vawi khat / vawi hnih’ tiha ‘vawi’ hi ‘pã’ tih anga lam \hìn kan awm a, ‘Awi ka rei ! tiha ‘Awi’ anga lam tùr hi a ni e.
Uluk/uluk : U\awk tih ri anga lam rì kan awm \hìn a, nghavawk tih anga lam rîk tùr a ni.
Vûi : Mitthi vûi tiha ‘û’ hi thlûk seia lam tùr a ni. ‘Vahûi’ tia ‘hûi’ ri anga lam tùr a ni.
Zalênna : ‘Lên’ tih hi ri hniama lam tùr a ni. ‘Za’ tih hi ‘Vãi’ tihna a ni a. ‘Lên’ hi ‘leng’ tihna a ni a. Kan lam sân chuan ‘lian’ tih a kawk daih a ni. Thosilên tih a ‘lên’ lam rîk anga ri tùr a ni.
Kan ziahsual \hinte
Counsellor/ Councellor : Counsellor tih tùr a ni.
Finance / Financial Secretary : K|P leh Kohhran Hmeichhia-ah hi chuan Financial Secretary ti lovin Finance Secretary tih \hin a ni.
Guitar / Guiter : Guitar tih tùr a ni.
Lectern / Lecturn : Lectern tih tùr a ni.
Rev / Pastor : Minister bial vawng hi ‘Pastor’ tia ziah \hin a ni a; Bial vawng lo leh pension tawhte hi Rev tia ziah \hin a ni.
Kolossa : Kollossa / Kollosa tia ziak lovin Kolossa tia ziak tùr.
Philippi : Phillipi / Phillippi tia ziak lovin Philippi tia ziak tùr.
Philipa : Phillipa / Phillippa / Philippa tia ziak kan awm \hin, Philipa tia ziak tùr a ni.
Thatchhe thil lam
Bai anti Bei : Tun lai hian Maian bai hmeh lo, maian bei hmeh an awm nia! Bei tih hi chu tharum hmanga thil ti sawina daih a ni.
Beihrual/Beirual : Beirual ti lovin Beihrual tih tùr.
Chibai/chibei: Chibai tih tùr a ni.
Daih anti Deih : Tun thla chu pawisa ka indeih lo’ tih ang chia deih tih hi daih tih tùr a ni.
Inkhâwmpui : Khâwmpui tia sawi hrãm loh tùr, tin, a lam dàn pawh pui tih hi arpui tih a pui ri anga lam tùr a ni.
Inrinni : Rinni ti kan awm, Inrinni tih ngei tum ila.
Mai anti Mei : Mai tih tùrah Mei hmang kan awm a, Mei kan tih chuan bawng mei, ui mei etc tih thu kan sawi daih a ni.
Ngaih/ngeih : Ani nên chuan kan inkawmngaih hle. Ngaih ti lo vin ngeih tih tùr a ni. Hmangaih nei lo hian hmangeih te hi kan la nei mai thei a nia!
Paih anti Peih : Bawlhhlawh ka paih tih tùrah peih tia hmang kan awm bawk, bawlhhlawh hi peih chi a ni lo paih tùr a ni. Bawlhhlawh Paih tha peih lo erawh an awm.
Peih anti Paih : Engmah ka thawk peih lo tih tùrah paih an hmang daih mai bawk a, paih tih chu thil duh tawh loh, hman leh tawh loh tùra dah sawn daih sawina a ni.
Zai anti Zei : Fak hla saa zai tùr nà nâ na, an han zei mai hi chu a zia lo hle.
Zuai : Biak In chhûngah meuh : ....hun kan han hmang zuai/ hla han thlan leh zuai.....’ ti kan awm leh \hìn, Biak In chhûngah phei chuan hman loh hrãm a mawi ang.
Pathian thu i lo chhiar ang u... Luka, Bung 3, cháng 8 kan ti ri ngawt \hìn. Chanchin |ha Matthaia/Marka/Luka/Johana ziak tih hrãm hrãm tùr a ni.
Rom ziak te kan ti ngawt a, a dik si lo. Rom khuaa / Korinth khuaa / Ephesi khuaa / Philippi khuaa / Kolossa khuaa / Thessalonika khuaa mite hnêna Tirhkoh Paula lehkha thawn tih hrãm hrãm a \ha.
Galatia ziak / lehkha thawn te kan ti ngawt a; Galatia rama mite hnêna Tirhkoh Paula Lehkha thawn tih tùr a ni.
Timothea lehkha thawn te kan ti ve ringawt bawk. Timothea hnêna / Tita hnêna / Philemona hnêna Tirhkoh Paula Lehkha thawn tih tùr a ni.
Hebrai / Jakoba/Petera/Johana/Juda ziak ti mai lo vin Hebrai lehkha thawn/ Jakoba lehkha thawn / Petera lehkha thawn / Johana lehkha thawn / Juda lehkha thawn tia lam \hin tùr a ni.
Thupuan pawh hi Johana hnêna Isua Krista Thu Puan chhuah tih i hria ang u.
Sawi ho tùr te:
1. Kan paper chhiar tâk a\anga sawi belh tùr kan neih sawi ho ni se.
2. Kan paper chhiara tar lan bâk ngaimawh záwng kan neihte sawi ho ni se
3. Kan paper chhiar tâkte kha fak-sel ni se.
Ang : Kohhran anga / Hmeichhia anga / K|P ang pawha kan tih hi- Kohhranin / Hmeichhiain / K|P hminga tih mai tùr a ni.
Anga : Hun kal tawh sawi nána anga tih hi a dik lo. Entîrnán- ‘Niminah an inah ka léng a; a lo mu zawn zawn ang a’ tih ang chi hi. ‘Niminah an inah ka léng a; a lo mu zawn zawn a’ tih mai tùr a ni. Ang tih hi hun lo la thleng tùr sawina a nih avàngin hun kal tawh sawi nán hman a rem lo.
Awmhlei/Inhlei/Ninhlei/Kuthlei : Naupang harh che zawk zawk sawi nán Ninhlei tih tùr a ni. Awmhlei kan hman chuan mipat hmeichhiat / nulat tlangval kára harh deuh sawina a ni. Kuthlei chu kuta pawi khawih tihna a ni.
Bengchheng siam : ‘Naupangho kha bengchheng siam suh u’ ti lovin, “Naupangho kha bengchheng suh u,” tih mai tùr a ni.
Bible cháng i lo chhiar ang u / Pathian thu helai cháng hi kan chhiar ang e.../ He lai Pathian thu hi kan tiri ang e: Bible cháng chauh kan chhiar chuan a ho âwm êm mai, nambar ringawt chhiar te chu a! ‘Pathian Thu i lo chhiar ang u’ tih nise. Pathian thu helai cháng hi kan chhiar ang e... ti lo hian kan kal dàn pangngai ‘Pathian thu i lo ngaithla ang u’ tih mai a \ha zâwk ang. Tiri ti lo hian chhiar ti mai bawk ila.
Chhûn Inkhâwm / Chawhnu Inkhâwm : Chawhnu Inkhâwm tih tùra Chhûn Inkhâwm kan tih \hin hi a dik lo; Chawhnu Inkhâwm tih tùr a ni ( 2006 Synod Gen. No.58).
Che-in : |awng\ainaa min ‘tihhlawhtlinsak/tîr tùr chein ka dîl a che’ ti \hìn kan awm - Min tihhlawhtlinsak/tîr tùrin ka / kan dîl e tih mai a tâwk.
Chiangkuang lo/Chiangkuang : Chiangkuang tih hi ‘lo’ in a zawm ngei ngei tùr a ni a, hranga hman loh tùr. Nikhua/ mumal tih pawh ‘lo’ nêna zawm zêl tùr a ni.
Chumi avàng chuan : Chumi avàng chuan ti duah lo hian chuvàngin/chuvàng chuan ti mai ila.
Chutiang ang / Hetiang ang : Chutiang / Hetiang tih hi chuti ang / heti ang tihna a ni a, ang tih belh a ngai tawh lo.
Chutiang zêlin : Inkhâwm hruaituin hla cháng khatna a chhiar zawha ‘chutiang zêlin’ a tih \hin hi ‘a chhiar zawh tâk ang zêl chuan’ tihna tluk a ni a; cháng khatna chauh sak reng thu awm lo! Chuvàngin, hman loh mai emaw, a thu \henkhat ka’n chhiar ang e’ tih mai emaw ni ta se.
Date...Ni : Dt.12.11.2007 tih hi \henkhatin Date Ni 12 thla 11, 2007 tia lam kan awm \hìn a; Date tih tawh chuan Ni tih tel leh \alh a \ûl tawh lo. Tin, Date ti lo hian Ni tih hmang ila a duhawm zâwk.
Daih/Tlin : Daih chuan tam lam a sawi a; tlin chuan hlai/sei lam a sawi. Thawktu châwmna Rs. 1,000-in kan tlin lo. Hetah hian ‘Daih’ hman tùr a ni.
Dawt/Dawh : ‘Han ti hmasa la, i dawtah ka rawn ti ve ang,’ dawhah ni lovin. Dawt tih chu indawt sawina a ni a; dawh chu thil eng emaw lo dawnna tùra hnuai lama thil dah a ni.
Entîrnán/ tehkhin nán/khaikhin nán : Hê’ng thute hi kan hman pawlh nual mai. Entîrna chu kan thil sawi, a vãia sawi vek sèn loh, hriatthiam theih nána a \hen a zâr chauh sawi lan emaw, thil sawi duh dàn hminghmerh bîk awm lo va sawi chian harsa deuh, a chian hma nán hminghmerh han neih emaw hi a ni ber.Tehkhin chu thil chi dang daih; mahse inanna lai nei si sawi nána hman a ni. Khaikhin chu thil inang pahnih emaw a aia tam emaw an \hatna leh \hat lohna bûktawn tihna a ni.
Fai/Thianghlim : Fai chuan a lan dàn a kawk deuh a; hmun te, silhfen te, bungruate hi fai tia sawi an ni deuh \hìn a; mahse rawng êng lamah thianghlim tia sawi a ni ve \hìn. Ei tùr lam chi leh mita hmuh theih loh chite hi thianghlim tia sawi a ni \hìn. A ep lam sawi ila a chiang mai awm e : Fai-bal, thianghlim-bawlhhlawh.
Han ban phar : Rorèl nikhua-ah leh Sande sikulah hian bán phartîr \ûl cháng a awm \hìn. Han tih hi bán leh phar tih inkárah a awm ngei tùr a ni. ‘Bán han phar teh u’ tih mai tùr a ni.
Hla hlân : Zaipáwl leh mimal zái tùr koh hian ‘...hla buatsaih hlân tùrin i lo sáwm ang u’ tia hmang kan awm \hìn a; hla hi hlan chi a ni lo, sak chi a ni tih kan hriat a \ha âwm e. ‘Hla sa tùr / zai tùr’ tih mai a tâwk e. Hla siamtu/Phuahtu : Pulpit-ah meuh ‘Hla siamtuin a lo sawi angin...chumi/khami...’ kan ti fo mai. Hlaphuahtu tih mai awm tak a ni. Mahse tunah hian Siamtu telh thar a ni a. Kan hla lâk chhuah / thlan kha en ngun deuh a \ha âwm e.
Hloh/hlauh : Thil tibo hi hloh a ni a, mi \henkhatin hlauh an ti tlat mai! Thil tihbo leh kiam lam sawi nán chuan hlauh hmang lovin hloh i hmang ang u.
Inhmuhsit / inzahpui : Mahni leh mahni tling lo nia inhriat thu sawi nán inhmuhsit/inhmusit ti lo vin inzahpui / insit tih tùr a ni.
Mipat Hmeichhiat/Hmeichhiat Mipat : Mipat hmeichhiat tih tùr, Mipa tih sawi hmasakna awmchhun a nih hmél.
Hnung kár : Kár hmasa tih aia hnung kár tih hi a dik lo.
Hotu/Hruaitu : Sande Sikul tih lohah hi chuan kan Kohhran hian Hruaitu kan ti \hìn. Bial Hotu ti kan awm leh \hìn; hei hi a dik lo.
Hlahriltu/ hla cháng sawitu : Hlahriltu tih a nih chuan a thu lam rîk dàn tùr ngau ngaua lam ri lo, sa deuh lek lek, thlûk deuh, lungkuai hnâpa hla thu hrìl hi a kâwk a; hla cháng sawi tih chuan a thu ang ngau ngau chhiar chhuah tawp hi a kâwk deuh bîk.
Pavalai : Va tih hi bapui tiha ba anga lam rì kan awm \hìn a, vaki tiha va anga lam rîk tùr a nih zâwk hmél e.
Hril/Hrilh : Hril tih a nih chuan a lo ngaithlatu lam sawi tel a ni lo va; hrilh tih a nih chuan ngaithlatu kan sawi tel, Chanchin |ha kan hril tùr a ni a; la hre lote kan hrilh tùr a ni.
I hnênah kan dîl a che : |awng\ai tâwp dáwna \awngkam kan hman \hin ‘I hnênah kan dîl a che’ tih hi a bul lama ‘i hnênah’ tih a nih tawh chuan a tâwpah ‘kan dîl a che’ ti lovin ‘kan dîl e’ tih tùr a ni. A tâwpa ‘kan dîl a che’ kan tih dáwn chuan a hma lamah ‘i hnênah’ tih telh loh thung tùr a ni. Tin, mipui aiawha kan \awng\ai a ‘ka dil e’ tih pawh hi kan tih hman ni se. Tin, \awng\ai tâwpa ngên tih pawh hi chhût chiang ila, dîl tùr kan ni zâwk lo’m ni?
I lo...ila : Pathian thu i lo chhiar ila, hla i lo sa ila, i lo zai ila tih hi a dik lo. Mizo \awng kàlhmangah chuan ‘i lo’ tih chu ‘ang u’ tiin a tâwp \hìn a; a tâwpa ‘ila’ tih kan hman dáwn chuan a bulah ‘i’ hman ve tùr a ni lo. ‘I’ tel lovin ‘Lo’ tih ringawt hman tùr a ni. Pathian thu lo chhiar ila / Pathian thu i lo chhiar ang u / hla lo sa ila / hla i lo sa ang u / lo zai ila / i lo zai ang u ti mai ila.
Ka sawi lo vang a...ka ti zet na a... : Committee leh Sharing nikhua hian ‘ka sawi lovang ka ti zet na a’ ti \hìn kan awm, tû hnênah nge ‘Ka sawi lovang’ kan lo tih le aw......Committee-ah ngat phei chuan he thu hi sawi loh tawp tùr a ni. A chhan chu rorél tùr, ngaih dàn sawi tùra Committee-a tel a nih avàngin. Tin, Chairman-in \an dáwna, “Midangte chu lo la kal zêl tùrah ngai ila a \ha ang e,” tih pawh hi a \ûl lêm lo.
Khán : ‘Thla tharah khán Carol Service neih tùr a nih kha’ tih ang chi hi hun lo la thleng tùr a nih avàngin khian tih zêl tùr a ni.
Lal biakna : Lalpa \awng\aina tih tùr hi Lal biakna ti hrãm kan awm nia!
Lâwmthu : ‘Lâwmthu sawi kan duh / kan bá / tùr kan nei tam hle’ kan tih \hin hi kan lãwm takzet tih mai a \ha.
Lâwmthu sawi chungin ka / kan dîl e : |awng\ai tìr lamah Pathianin min vèn avàng te, min kaihhruai avàngtein etc lâwmthu kan sawi \hìn a; a tâwp dáwnah Lâwmthu sawi chungin ka / kan dîl e tih hi a \ûl tawh lêm lo. Hei hian a kawh chu dilna ringawtin ka \awng\aina ka titâwp takngial dâwn e, lâwmthu sawi hman lo mah ila ‘lâwmthu sawi chungin’ tih kan zep leh ang e tihna tluk a ni tih hriat a \ha âwm e.
Lituk/lutuk : Lutuk tih tùr a ni.
Malsâwm \awng\aina : Malsâwmna tih mai a tâwk.
Mi tinte/Mi mal tin : Mi tin tih hian mi zawng zawng a huap vek tawh avàngin ‘te’ belh a ngai tawh lo. Mi mal tin tih duah lo hian ‘mi tin’ ti mai ila. Min \ansaktu / kan \antu : ‘Kan inkhâwmna min \ansaktu / kan \antu i lo sáwm ang u’ kan ti fo mai, min \ansaktu ti duah lovin ‘\antu’ tih mai emaw ‘Tunah \antu kan lo sáwm ang a’ emaw ti mai ila.
Min/Kan Chhandamtu : ‘Kan Chhandamtu, Isua hmingin kan dîl a che’ ti \hìn kan awm a, Kan tih aiah Min tih zâwk hmang ila.
Mitthi nge kan ral an chhûngte : Mitthi kan rál a; an chhûngte hnênah ralna thilpêk kan pe \hìn.
Mitthi/Mithi : Mithi ti kan awm \hìn a; Mitthi tih tùr a ni.
Mittlung/mittling : Mittlung tih tùr a ni.
Mo/Monu/Mopa/Moneitu : Mo chu hmeichhe pasal nei hi a ni a, Monu chu pasal nei nu a ni a, Moneitu chu pasal nei pasal neih tak kha a ni leh a, Mopa chu pasal nei pa kha a ni tih i hria ang u.
Na : Kan hruaituin rem a tih hunah report-na / Secretary-in thupuanna a nei ang a/|awng\aina ka nei ang a/ Thawhlawm khawnna leh hlanna kan nei ang a / Hun tâwpna kan siam ang/ Banna hla kan sa ang /An inneih sâwmna lo nei se la / Zaipawl sâwmna ilo nei ang u / Thupui zirna kan nei ang a/ Thingpui in hona etc kan ti duah \hìn a. Na telh \ãlh hi a \ûl lêm lo. Kan hruaituin rem a tih hunah report se / Secretary-in thu a puang ang a / Kan |awng\ai ang a / Thawhlawm khawn a ni ang / hlân ang a / Hun tâwp kan siam ang/ Ban hla kan sa ang. An inneihna tùrah member-te min han sâwm se la / zaipáwl i lo sâwm ang u / Thupui kan zir ang a/ Thingpui kan in ho ang etc tih mai tùr.
Nachin/Nichin : Nichin tih tùr. Na tih hi chuan hun lo la kal tùr sawina lam a kâwk, entîrnán- Nakkum, Naktûk etc.
Naktûk zan : Nakzan tih tùr.
Nánah/Tánah/Tùr atán : Nán hi na atán tihna a ni a; ah hi atán tihna a ni tawh sa reng a, hman kawp chi a ni lo. Entîr nánah / mi dang tánah / sum hmuhna tùr atán tih \al(h) loh tùr. Entîrnán / mi dang tán / sum hmuh nán tih mai ni se.
Nawn-thar : Nawn tih hman tawh chuan thar tih hman leh kher a \ûl lêm lo.
Nise la : ‘Kan inhriattîr ni se la’ ‘lâwmthu kan sawi ni se la’ ‘ni se la’ tih aiah ‘a ni’ tih mai tùr. Ni sela tih hi i hmang lo ang u.
Ningani : Nilaithawh\an/ Nilini tia hmang kan awm, Ningani tih hi hman tlan ni zâwk se a \hat hmél zâwk e.
Ngaimawh/Ngaipawimawh : Hun ruat dik taka \an hi ngaipawimawh ila; hun vawng dik lote hi ngaimawh tùr a ni.
Ngelnghet/Ngialnghet : Ngialnghet tih loh tùr; Ngelnghet tih tùr.
Puan bih/Veng : Mipain puan an veng a, Hmeichhiain an bih.
Sakramen/ruai \heh : Sakramen hi ‘buatsaih’ tia sawi kan awm fo a, ‘\heh’ tih hi hman lar zâwk a ni. Ruai hi \heh \hin a ni a; chawhlui hi kîl \hin a ni.
Sên ral: Sên tih hi hman / tih ràl sawina a nih tawh avàngin ràl tih sawi tel a \ûl tawh lêm lo.
Sawi tùr ka ngah, hunin min daih si lo; sawi vek lo mai ang... tih hi phûng thlûkna \ûl lêm lo tak niin a lang.
Tatu/Neitu/Intitatu/Intineitu : Kohhran chu a intineitu / neitu tih tùr, tatu / intitatu ni lovin.
Thilpêk min hlansak : Inkhâwm hruaituin thilpêk hlân tùra mi dang a sàwm hian ‘Thilpêk min hlansak tùrin.......i lo sáwm ang u...’ an ti fo mai, min hlansak ti duah lovin Thilpêk hlân tùrin tih mai a tâwk ang.
Thlâk + awm : Thlâk tih leh awm tih hi awmze thuhmun reng a ni a. Lainatthlâkawm / khawngaihthlâkawm / hlimthlâkawm/thinrim-thlâkawm tih \ãlh hi a \ûl lo. Lainatthlâk /lainatawm/ khawngaihthlâk /hlimawm/hlimthlâk/thinrimthlâk ti mai ila.
Thuamhnaw/thawmhnaw : Thawmhnaw tih tùr.
Tun hunah : Tun tih hi hun sawina a nih tawh avàngin hun tih belh leh hi a \ûl lo. Tunah tih mai a tâwk.
Tun kum/ kumin : Kum kal lai, kan hman mêk hi tun kum ti lovin kumin tia sawi \hin tùr a ni.
Tunah leh kum khuain : Malsâwmna (benediction) tâwpa ‘tunah leh kum khuain / tunah leh chatuanin’ tih ai hian ‘tun a\ang ...’ tih hi a nalh zâwk ang.
Tùrah ngai ila : Thil la tih tùra ngaih, tih ngei tùr a nih leh nih loh chian lohvin hman a ni \hìn. Thil tih tùr chiang reng a nih chuan ‘kan la ti ang a’/ ‘An la ti dáwn a’ tih mai tùr.
Uihawm/uiawm : Uiawm tih tùr a ni.
Vantláng/Vangtláng : Vangtláng tih hi dik zâwkin lang mah se vantláng ti zâwk ila a \hat zâwk a rinawm.
Vawiin zan / tun zan : Zanin tih tùr.
Vawiin zîng/tûkin zîng : Tûkin tih mai a tâwk.
Vawiin/Vawiin nî /Vawiin nî-ah : ‘Vawiin nî’ tih hi hun ral tawh a\anga thil inchhunzawm zêl chi, vawiin thlenga la tâwp lo sawi nán hman \hin a ni tih hria ila. Vawiin tih mai tùra ‘Vawiin ni’ tih zen hi a \ûl lo. Vawiin nî-ah ti lovin Vawiinah tih mai a tâwk.
Zanriah/Tlai chaw : ‘Palaite tlai chaw ei \heuh tur...’ kan ti fo mai. Tlai chaw ti lovin zanriah tih tùr a ni e.
Kan lam rîk dik loh |hin te
Amen : Mizo \awng chu a ni lo na a, kan \awng tluka kan hman a ni a. ‘Men’ tih hi ‘Lumen’ tiha ‘men’ ri anga lam lovin lunglên tiha ‘lên’ ri anga lam nise.
Bèi tham : Ri hniam ve ve tùr a ni.‘Pheichham’ tih anga lam tùr.
Ei : Ni tin kan ‘ei’ khawpin chaw min pe ang che tiha ‘ei’ hi a ri hniam tùr a ni. ‘Pawisa hmang khawp min pe’ kan ti ngai lo.
Ngáithla/ngaithla : Ngai tih hi ‘ngai thei lo’ tiha ‘ngai’ tih ri anga lam ri kan awm \hìn a, ka nu ka ngái tih a ngái anga ri tùr a ni zâwk.
Nghal : Lo kal nghal rawh tiha nghal tih hi ‘a kûk rai(h) mai’ tiha rai(h) tih ri anga lam ri kan awm a; ‘Hall’ tih ri anga lam rîk tùr.
Huphurh: ‘Hu’ tih hi ri sánga lam lovin a hniam tùr a ni. Tuboh tih ri angin.
Kal hmang/Kal phung : ‘Kal’ tih hi a ri hniam ve ve tùr a ni. ‘Kalkawng’ tih ri anga lam tùr a ni.
Kèn/ken : ‘Keng’ tih nán kan hman chuan ri hniam tùr a ni. Camping-ah Bible kèn \heuh tùr. Derhken tiha ‘Ken’ ang hian a ri tùr. ‘Kian’ tih nána kan hman chuan ‘Pen’ tih anga lam rîk tùr a ni.
Khup zãwi : ‘Khawng lo’ tihna - zawi angin kan lam ri \hìn a, ‘Buai’ tih ri anga ri tùr a ni.
Muhil : Fai taka kut sìl tùr tiha sìl tih kan lam ri anga ‘hil’ tih hi lam ri kan awm \hìn a; Saphîng tiha phîng tih ri anga lam tùr a ni.
Nuãm : Hla thua nuãm (châk) tih hi ‘tuãm’ tih anga lam rîk tùr.
Pakai : Páwl danga ‘Pakai’ tih hi pa tih ri sánga lam kan awm \hìn a, pahnih tiha pa tih ri angin ri hniama lam tùr a ni.
Rorèl : K|P rorèl inkhâwmah rorél an \hahnem hle. Rorèl inkhâwm tiha rèl hi ri hniam tùr a ni a, rorél tih lai erawh chu ri sáng tùr a ni thung. Rùra : ‘Rùra’ tiha rù tih hi intithu tiha thu anga lam ri kan awm a; rùlei tiha rù anga lam rik tùr a ni.
Sawi\áwm/sawi\àwm: Buarchàwm tih anga lam ri lovin choká tih anga lam rîk tùr a nih hmél.
Te’n : Mi / thil pakhat aia tam sawi nána hman \hin ‘te’n’ tih hi ‘tenchhia’ tiha ten angin kan lam ri \hìn a; ‘Derthawng’ tiha ‘der’ ri anga lam rîk tùr a ni.
Thàr thawh: Thar tih hi Dinthar Véng tiha thar tiha anga lam tùr a ni.
Thawhlawm : Pawisa kan thawh láwm a; Thawhlâwm a lo ni. Ri hniama lam ve ve tùr a ni. ‘Párbáwr’ anga ri lovin, ‘Buhhum’ ri ang tùr a ni. Thilpêk leh Thawhlâwm tih hi kan hman pawlh nual bawk a. Inkhâwm hruaina bu leh PCI Dàn Bu Bung IV (a)-ah Thilpêk tih hman a ni.
Thununna/Thunun/thunùn : ‘Nunna’ tih lai hi ‘Rinna’ tih ri anga lam \hìn kan awm a; ‘Punna’ tih ri anga lam \hin tùr a ni.
Thessalonika : Thessolonika tia lam lovin Thessalonika tih tùr.
Tlansa: Tlantu tih ri ang ni lovin‘bawngsa’ tih ri anga lam rîk tùr.
Tleirãwl/Ráwlthar : Tleirãwl chu hmeichhia, naupang ni tawh lo, puitling \an, puitling tak taka la chhiar lo deuh si te an ni a. Meidil tih ri anga lam rîk tùr. Ráwlthar chu mipa, naupang ni tawh lo, puitling \an, puitling tak taka la chhiar lo deuh si te an ni a, thianghlim tih anga lam tùr a ni.
Vawi : ‘Vawi khat / vawi hnih’ tiha ‘vawi’ hi ‘pã’ tih anga lam \hìn kan awm a, ‘Awi ka rei ! tiha ‘Awi’ anga lam tùr hi a ni e.
Uluk/uluk : U\awk tih ri anga lam rì kan awm \hìn a, nghavawk tih anga lam rîk tùr a ni.
Vûi : Mitthi vûi tiha ‘û’ hi thlûk seia lam tùr a ni. ‘Vahûi’ tia ‘hûi’ ri anga lam tùr a ni.
Zalênna : ‘Lên’ tih hi ri hniama lam tùr a ni. ‘Za’ tih hi ‘Vãi’ tihna a ni a. ‘Lên’ hi ‘leng’ tihna a ni a. Kan lam sân chuan ‘lian’ tih a kawk daih a ni. Thosilên tih a ‘lên’ lam rîk anga ri tùr a ni.
Kan ziahsual \hinte
Counsellor/ Councellor : Counsellor tih tùr a ni.
Finance / Financial Secretary : K|P leh Kohhran Hmeichhia-ah hi chuan Financial Secretary ti lovin Finance Secretary tih \hin a ni.
Guitar / Guiter : Guitar tih tùr a ni.
Lectern / Lecturn : Lectern tih tùr a ni.
Rev / Pastor : Minister bial vawng hi ‘Pastor’ tia ziah \hin a ni a; Bial vawng lo leh pension tawhte hi Rev tia ziah \hin a ni.
Kolossa : Kollossa / Kollosa tia ziak lovin Kolossa tia ziak tùr.
Philippi : Phillipi / Phillippi tia ziak lovin Philippi tia ziak tùr.
Philipa : Phillipa / Phillippa / Philippa tia ziak kan awm \hin, Philipa tia ziak tùr a ni.
Thatchhe thil lam
Bai anti Bei : Tun lai hian Maian bai hmeh lo, maian bei hmeh an awm nia! Bei tih hi chu tharum hmanga thil ti sawina daih a ni.
Beihrual/Beirual : Beirual ti lovin Beihrual tih tùr.
Chibai/chibei: Chibai tih tùr a ni.
Daih anti Deih : Tun thla chu pawisa ka indeih lo’ tih ang chia deih tih hi daih tih tùr a ni.
Inkhâwmpui : Khâwmpui tia sawi hrãm loh tùr, tin, a lam dàn pawh pui tih hi arpui tih a pui ri anga lam tùr a ni.
Inrinni : Rinni ti kan awm, Inrinni tih ngei tum ila.
Mai anti Mei : Mai tih tùrah Mei hmang kan awm a, Mei kan tih chuan bawng mei, ui mei etc tih thu kan sawi daih a ni.
Ngaih/ngeih : Ani nên chuan kan inkawmngaih hle. Ngaih ti lo vin ngeih tih tùr a ni. Hmangaih nei lo hian hmangeih te hi kan la nei mai thei a nia!
Paih anti Peih : Bawlhhlawh ka paih tih tùrah peih tia hmang kan awm bawk, bawlhhlawh hi peih chi a ni lo paih tùr a ni. Bawlhhlawh Paih tha peih lo erawh an awm.
Peih anti Paih : Engmah ka thawk peih lo tih tùrah paih an hmang daih mai bawk a, paih tih chu thil duh tawh loh, hman leh tawh loh tùra dah sawn daih sawina a ni.
Zai anti Zei : Fak hla saa zai tùr nà nâ na, an han zei mai hi chu a zia lo hle.
Zuai : Biak In chhûngah meuh : ....hun kan han hmang zuai/ hla han thlan leh zuai.....’ ti kan awm leh \hìn, Biak In chhûngah phei chuan hman loh hrãm a mawi ang.
Pathian thu i lo chhiar ang u... Luka, Bung 3, cháng 8 kan ti ri ngawt \hìn. Chanchin |ha Matthaia/Marka/Luka/Johana ziak tih hrãm hrãm tùr a ni.
Rom ziak te kan ti ngawt a, a dik si lo. Rom khuaa / Korinth khuaa / Ephesi khuaa / Philippi khuaa / Kolossa khuaa / Thessalonika khuaa mite hnêna Tirhkoh Paula lehkha thawn tih hrãm hrãm a \ha.
Galatia ziak / lehkha thawn te kan ti ngawt a; Galatia rama mite hnêna Tirhkoh Paula Lehkha thawn tih tùr a ni.
Timothea lehkha thawn te kan ti ve ringawt bawk. Timothea hnêna / Tita hnêna / Philemona hnêna Tirhkoh Paula Lehkha thawn tih tùr a ni.
Hebrai / Jakoba/Petera/Johana/Juda ziak ti mai lo vin Hebrai lehkha thawn/ Jakoba lehkha thawn / Petera lehkha thawn / Johana lehkha thawn / Juda lehkha thawn tia lam \hin tùr a ni.
Thupuan pawh hi Johana hnêna Isua Krista Thu Puan chhuah tih i hria ang u.
Sawi ho tùr te:
1. Kan paper chhiar tâk a\anga sawi belh tùr kan neih sawi ho ni se.
2. Kan paper chhiara tar lan bâk ngaimawh záwng kan neihte sawi ho ni se
3. Kan paper chhiar tâkte kha fak-sel ni se.
-29092008 0224 PM AV: He paper hi Branch K|P pahnihah Literature Night-ah chhiar chhuah a ni tawh.
No comments:
Post a Comment