Chhuahtu : Vanglaini
Chhuahna hmun : Charity Press, Aizawl Venglai Mizoram
Chhuah kum : 2004
Phek :
A man : Rs. 195/-
He lehkha bu ziaktu hi kum_____ a\anga chanchin bu enkawl lama hnuhma lo nei tawh, ______ a\anga vawiin thlenga VANGLAINI Ni tin chanchin bu-a Editor ni mek; Evangelical Weekly, The Revival-ah Editor a ni bawk a. He lehkha bu ziak tur hian a âwm veng vawng hle a ni.
Hetiang lehkhabu hi Mizorama a vawikhatna niin a hriat a; Mizoram Literature khawvelah mel lung pawimawh tak pakhat a ni. Kum 2001 chhunga VANGLAINI Ni tin chanchin bu chhuak Editorial dah khawm a ni a; 2001 chhung tih a ni nachungin, Jan 13 a\anga Dec_____ thleng a ni. A bu hmingah pawh VANGLAINI Editorial Collection a nih ang hian thu hlawm khat fel taka tum neia ziak a ni hran lo va, a hun laia thil thleng mil zela ziak a ni a, thil chi hrang hrang ziahna a ni ber a. Bawm pakhata thil chi hrang hrang dah a, kan ngainat leh duhzawng / vei zawng deuhte kan dah thuah/ nawn hi a ang ber a. Fiction a ni lo va, Story a ni hek lova, Modern History huanga khung len theih chi a ni ang.
A bu chhung thu han chhiar hian kan ramdinhmun a chiang hlein a hriat a : Sorkar pawh policy nghet leh mumal nei lo, politician pawh ram \hatna leh an aiawhte ham\hatna ngaihtuah lem lo va mahni pumpui \anghma hai; loneitute / huan neitute vulh len lam aia an thlai thar hralhna pawhngaihsak lo sorkar; sorkar hnathawk chan tawka lungawi lo va nawrh hrat leh thil phut ngah tak kan nih thu a hriat theih a. Zirlaiin an hriatna tizau atan chhiar se la, politician-ten ram hruaina kawnga hma an sawn theih nan leh thlir dan dik an neih theih nan zir chiang se. Lehkha bu chhiar that chhe deuh pawhin thu hlawm hrang hrang a nih avangin a chhiar bek bek theih a ni.
Ziaktu : K.Sapdanga
Chhuahtu : Vanglaini
Chhuahna hmun : Charity Press, Aizawl Venglai Mizoram
Chhuah kum : 2004
Phek :
A man : Rs. 195/-
He lehkha bu ziaktu hi kum_____ a\anga chanchin bu enkawl lama hnuhma lo nei tawh, ______ a\anga vawiin thlenga VANGLAINI Ni tin chanchin bu-a Editor ni mek; Evangelical Weekly, The Revival-ah Editor a ni bawk a. He lehkha bu ziak tur hian a âwm veng vawng hle a ni.
Hetiang lehkhabu hi Mizorama a vawikhatna niin a hriat a; Mizoram Literature khawvelah mel lung pawimawh tak pakhat a ni. Kum 2001 chhunga VANGLAINI Ni tin chanchin bu chhuak Editorial dah khawm a ni a; 2001 chhung tih a ni nachungin, Jan 13 a\anga Dec_____ thleng a ni. A bu hmingah pawh VANGLAINI Editorial Collection a nih ang hian thu hlawm khat fel taka tum neia ziak a ni hran lo va, a hun laia thil thleng mil zela ziak a ni a, thil chi hrang hrang ziahna a ni ber a. Bawm pakhata thil chi hrang hrang dah a, kan ngainat leh duhzawng / vei zawng deuhte kan dah thuah/ nawn hi a ang ber a. Fiction a ni lo va, Story a ni hek lova, Modern History huanga khung len theih chi a ni ang.
A bu chhung thu han chhiar hian kan ramdinhmun a chiang hlein a hriat a : Sorkar pawh policy nghet leh mumal nei lo, politician pawh ram \hatna leh an aiawhte ham\hatna ngaihtuah lem lo va mahni pumpui \anghma hai; loneitute / huan neitute vulh len lam aia an thlai thar hralhna pawhngaihsak lo sorkar; sorkar hnathawk chan tawka lungawi lo va nawrh hrat leh thil phut ngah tak kan nih thu a hriat theih a. Zirlaiin an hriatna tizau atan chhiar se la, politician-ten ram hruaina kawnga hma an sawn theih nan leh thlir dan dik an neih theih nan zir chiang se. Lehkha bu chhiar that chhe deuh pawhin thu hlawm hrang hrang a nih avangin a chhiar bek bek theih a ni.
He lehkha bu hi uluk taka han chhiar hian Ram leh mipui a vei hle tih a lang thei a, Sorkar finchhuahtu \ha tak a ni tih a lang thei bawk: Sorkar Office awmna hmun tur chungchang (p-108) te, sipaia \ang duhte inbuatsaihna tur thil (p- 113,316), Higher Secondary School dinhmun (p-148), sawhthing chungchang (p-209), sorkar motor tihtlem (p-267) sum renchem chungchang (p-397) etc. han chhiar hian sorkar finchhuahtu pawimawh tak a ni tih a lang thei.‘Hmasawnna hna thawktu bera sorkar hnathawkte lakdan a dik tawh loh chuan, hmasawnna dik neih chu a har ngawt ang’(p-36) tihte hi thu dik leh ril tak a ni a. ‘Ram hmangaih vanga tlawm (p-37) tih thupuiin a funte hi chhiarin vawng reng thei ila kan ram politics hian hma a sawn phah ngei ngei ang. ‘Ruling party apiangin an chin fo chu, sorkar hi anmahni ta bik cheia an chei mai \hin hi a ni. Zokhaw \henkhatah phei chuan ruling party unit-te hian thuneihna inpe chawpin sorkar aiawha duh hawi zawng zawnga chet mai te pawh tunhma a\ang khan an ching \hin...... hei hian khawtlang nun pawh a tinuam lo hial tawh a, inenfiah tlan a hun hle,’(p-101) han tihte chu a dik thlawt mai. Phek 108-naa Sorkar mawhphurhna leh police-tena anb hotute mimal hna an thawh nasat dan tar lan a ni leh kan inenfiah a \ulzia a ziak hi zawm nghalngei ngei chi niin a lang.
Tin, a bengvarthlak hle bawk: Mizoram Power dinhmun (p-20), zu chhe in avanga thi (p-43), chhiah chungchang (p-86), Board Exam result (p-140), Electric vanga chhiatna thleng (p-142), Tribal leh Non-Tribal chungchanga Mizote dinhmun (p-259)tar lan a ni te hi a bengvarthlak hle mai. Ministry of Welfare, Govt. of India thuchhuah chungchang a tar lan hi a lehkha No.mai lo deuh hian a date pawh tel thei phei se chuan a \ha lehzual tur. ‘Mizo mipain non-tribal (vai) nupuiah nei ta se, a tribal nihna a tawp ang. Mizo hmeichhiain vai a neih pawhin, a tribal nihna a tawp bawk ang’(p-259) tihte hi nupui pasal la nei zel turte hian hre vek thei ila a duhawm hle mai.A theih chinah chuan a khat tawk talin figure / statistics nena tar lan theih zel ni se a duhawm hle.
Chutih rual chuan, Typesetting fuh tawk lo tamlutuk hian chhiar a tinuam lo: Tlar khat leka phek hnung kai ting tang ‘ngaihtuah dan tur a ni awm lo e’ (p-2) tih ang chi hi hi.Hetiang tlar khat lekte hi chu phêk hma lamah pawt lût mai se chhiar a nuam zâwk ngei ang. Tin, para-a in\anna ni ve si, tlar khat lawng a awm (p-73) hi hmuh a nuam lèm lo hle. Setting uluk tâwk loh avàngin inzawm tùr inzawm lo a awm nual a : conference tih tùrah confer ence (p-361 1st para)tih te, poli tics (p-493), Un ion (p-471), Mi zoram (p-439), Na tional (p-73,120,413, ), Ag riculture (p-411), uni form (p-333), Bawrh sapte (p-321), Pu F. Mal sawma (p-287), empower ment (p-63), ses sion (p-88), depart ment (p-114), Gov ernor(p-116), ad mission (p-148), min isters (p-201, 207), Aware ness (p-205), Serv ices (p- 363) etc. tih ang chite hi hmuh a hrehawm hle. Tin, a \hen laiah thu uar duh bîkah hawrawp tihdum lian bîk (bold) a ni a; mahse, hmun tlêmtê-ah chauh a ni lawi si a, lehkha bu pakhatah hi chuan tih dàn inang thei se, phur châng châng chauh lovin.
Inzawm lo tùr inzawm hmuh tur a awm nual mai bawk a: ‘rinawm a ni’ tih turah ‘rinawma ni’ (p-22), sawi ho tih turah ‘sawiho’ (p-65), Aii Puk tih turah ‘Aiipuk’ (p-127) tih a hmang a, Khuangcherapuk ti ta ila, a dik kan ngutna maw chu le? A dang pawh a la awm nual mai. Dàn tih thumal hi a hman dàn a inang lo va, a \henah zawm a ni a (p-45), a \henah zawm a ni lem hlei lo va (p-45 tho). He thumal hi chu a hmaa thuziak nen chuan ziak zawm loh vek ni se kei chuan ka duh a, a hnung lamah erawh chuan thuhran ni se. ‘Tin’ tih pawh hi- thlatin (p-269) tih ai chuan ‘thla tin’ tia ziak zawm loh ni se. Dàn tih nèn ka ngaih dàn a la inang. Tin, ziak zawm leh zawm loh chungchangah hian ‘hyphen’ hmanna tùr awm takah a hmang lo: Mizorama (p-219,227,265) tih ang chi hi. Mizoram-a tih ni thei se. Khua / ram/ hmun hming leh hnamdang \awng nèna kan zawm dâwn chuan‘hyphen’ hman ni se a chhiar a tinuam ang. Tin, ‘hyphen’ hmanna tur ngawih ngawih ‘Non-tribal’ tihah a hmang leh lo lawi a (p-289). ‘Hyphen’ hman \ûl miah lo - ngaih-tuahin (p-11,19)ah te chuan a hmang leh tlat bawk si a. Sawi tâkah chuan vowel leh vowel-a thu lamrîk a awm chuan ‘hyphen’ dah ila, chhiartu tán lam sual a har deuh \hîn.
Hawrawp chhut sual (printing mistake) hmun 40 chuang zet a awm hi endik fimkhur tâwk loh vàng chu a ni phawt mai (P-4, 5, 11, 14, 20, 71, 79, 120, 124, 126, 131, 132, 133, 154, 155, 160, 174, 192, 194, 200, 203, 215, 217, 221, 229, 232, 228, 271, 283, 296, 301, 315, 320, 321, 327, 337, 353, 366, 373, 381, 461 etc). Phek 154 (May 11 Issue) phei hi chu Edit hmaih palh a nih hmêl hle mai! Tin, phek 10 & 18 a inang chiah maite hi chu final proof reading neih laiin a lehkhabu-ah hian rilru a sâwrbing lo em ni aw a tih theih. Minute 10 chhûngin phek 10 leh 18 inkâr hi chu a chhiar zawh vek theih a, rilru han pen kawina hman chu a ni lo asin. Sentence hnih khat mai pawh ni lo, a phek pheka inang ngawt mai hi chu a lutuk deuh hret a ni.
Thil thuhmun sawi tumna ni si, \awngkauchheh hman hran pawh ni lèm lo, ziah dàn kalhmang (style) inang lo a awm tlat mai bawk : ‘lei-man’ (p-86) leh ‘leiman’ (p-87), Aizawla leh Aizawl-a (p-146), Non Tribal leh non-tribal (p-259), rorel party leh ruling party (p-365), Bru leh Tuikuk (p-39&94), Presbyterian Hospital leh Synod Hospital (p-33). Lehkha bu pakhatah nà nâ na chuan style inang thei hrâm se.
Thu ziah dan kalhmangah hian tawpna siam mai lo va kual kual a awm nual a, tin, sentence sei tak, kual chhen mai hmuh tur a awm bawk a (p-160,163,384). A ziaktu hi a taima a, min chawlhpui mai lo fo mai, hetiang hi ninawm duh. Tin thutawp siam hnua bul\an \hat leh pawh a nei tlat mai (p-60). Sentence a duh sei viau rualin a \hen chu a khar hma leh lutuk a, \ul lovah sentence a siam belh leh lawi bawk si a(p-60).
‘|’ leh ‘|’ lo chungchang hi chu sawi tam lutuk lo ila. A \hena ‘|’ hmang tho si a, ‘|’ hmanna tura hman si loh awm leh \euh si hi chu typsetting thatchhiat vang mai maiah ka puh. A \henah a ‘|’ leh lutukah ‘|’ lohna turah a ‘|’ leh vung lawi si a (P- ).
Thuchang kim lo : Reserved Bank of india tih mai theih- Reserved Bank (p-30) ang chi hi chu tih kim zêl theih ni se. Chutih lai chuan India danpui Constitution-ah han tih leh duah thung chu a \ul lem lo, Constitution tih bik hi kualkhung mai ni se a \hatt zâwk a rinawm.
Mi thusawi (quotation) tar lan hi a sawitu tar lan tel theih ni se; chuti lo chu Editor sawi vek emaw tih mai a awl e.
|awngkauchheh hman sual a awm nual mai bawk : ‘zu chhia’ (p-3 last para) tia dah hi ‘zu chhe’ tih tùr niawm tak a ni.... ‘a tlêm tham lo vang’ (p-27) tih ai chuan ‘a tam’ emaw ‘a tlem lo’ tih emaw hmang ta se. ‘Civil-in neih ve phal loh chi’(p-122) tih ai hian ‘Civil / civil mi neih ve....’ tih ni zâwk se. ‘Tun hnu’ (p-123) ti lovin ‘nakin’ tih ni se. ‘Chîng’ (p-133 last para) tih hi chin tih mai a tâwk hle. ‘A zahawm hle ang’ (p-140 2nd para) tih hi ‘duhawm’ hmanna tùr zâwk niin a lang. ‘Tehchiama si lo’(p-65) tiha ‘a’ tih hi a \ûl lo ve. ‘Thingtlâng High School zir zo’ (p-166) hi chu ‘Thingtlânga High School zir zo’ tih tùr ni zâwk âwm tak a ni. ‘Nghahhlelh’ (p-201) tih ai hian ‘nghakhlel’ tih ni mai se. ‘Mit an tling hle a...’(p-202, 241) tih ni lovin ‘tlung’ tih tùr a ni. ‘Remna Ni champha pawh vawi 15-na lai a lo tling leh ta der mai’(p-127, 1st para : June 20, 2001) tia ziak a ni a, Remna Ni hi June 20, 2001-ah kum 15-na champha a la tling lo. A hnuai lawkah ‘June ni 30-ah Remna Ni kan hmang dawn a, kum 15 a tlinna a ni dawn a’ tih ziak a ni leh si hi a inmil thei lo a ni. ‘Opposition MPC party...(p-261) tih hian engnge awmzia a neih? Phek 281, para 3, tlar 7-naa ‘atana an’ tih hi ‘atân an’ tih mai a tâwk hmel. ‘Vawiinni’ (p-289) tih hi ‘vawiin’ tih mai a tâwk hle. ‘Sumpaiah’ (p-333) tih hi ‘sum leh paiah’ tih ni zâwk se. ‘Beng ngilin dawngsawng’ (p-390) tih a awm a, engnge ‘beng ngîl’ chu le? ‘Treasury khar a ngaih loh chhan’ (p-41) tih thu hi chu‘Treasury khar a nih loh chhan’ tih ni zâwk awm tak a ni.
Han keu phawk hian vei lamah emaw ding lamah emaw hmun ãwl zau tak a awm deuh zêl a. Phek tinah rawng pawlin ‘VANGLAINI EDITORIAL’ tih a chhuk zâwngin a awm vek bawk a. Hei hian hmun a luah zau êm êm mai a, hetiang hmun awl zau awm lo hian a thu pangngai dah khah ni zâwk se, a phek a tlêm ang a, Rs. 195/- man lo deuh hian a chhuak thei ang a, a man a lo tlàwm deuh chuan mi tam zâwkin an lei theih phah ang. A kâwm khawng \ha tak pawh hi a zah awmin a tlo viau rualin, a man ti totu mai a ni ve bawk a; a kâwm nêm chi, man tlâwm zâwk siam tel theih ni bawk se a \ha hle ang.
No comments:
Post a Comment