FELA ANGIN AW

Naupang pakhat fel deuh mai, lehkha zir hun laia zir taima em em mai hi a awm a. A hming chu Fela a ni a, a hming pum pawh Lalnunfela a ni a. Kum tawp ekzam an nei mek a, Fela chuan ekzam zawh hlan chu a nghakhlel em em mai a. An ekzam zawhni ni tur tur a lo thleng ta a; phur takin sikul lam panin a kal sauh sauh a. An ekzam zawh hun a nghahhlel  chhan pawh SIKUL CHAWLH an nei dawn tih a hriat vang a ni.

Fela chuan engvangin nge Sikul chawlh chu a nghahhlel em em mai le? Sikul chawlh hunah chuan a duh dan danin infiam a chak vang nge ni ang ? Lehkha zir lovin zanah a leng thei tawh dawn a, a duh tawkin T.V a en theih tawh dawn vang nge ni ang le ? Nge, chhunah mi inah te, mi veng hla tak takah te a len theih tawh dawn avangin chawlh chu a nghakhlel ni ang ? |hiante nen kawngpui dungah,
motor sut palh hlauhawmna deuh deuhah a infiam theih tawh dawn avang a ni ang em ? Mit tihchhiat phah hlauhawm deuha an sawi \hin Video / Computer Games a khelh theih tawh dawn avangin a chak tawh lutuk a ni ang a ? A nih loh leh zanah hma deuh deuhin mut a chak tawh nge ni ang ? Zingkarah hma deuh deuha thawh a, exercise lak paha ring deuh deuha au lung lung a chak a ni ang a.? Zingkara hma deuh deuha au lung lung hi a \hing in ti ve em ? Nge ni, Pass a inring lutuk a, a zir leh tur lo chhiar lawk a duh avangin Sikul chawlh neih thuai thuai chu a duh zawk ni le ?

Fela’n Sikul chawlh a nghahhlelh chhan chu chi hrang hrang a awm a, kan chhinchhiah tur bikte chauh chu :-

1.  A lehkha zir lai leh a ekzam laia duat taka enkawltu, a nu leh pa, a u te, a theih ang tawka puih ve a duh.

2. Lehkha zir \an a ngaih loh laia Bible chhiar a duh. Tin, chubakah, lehkhabu \ha, zirtir nei \ha tak tak, nun dan \ha ziahna bu te, Bible MIlem bute enin chhiar a duh.

3. Chhungte a puih loh kara nu leh pa, u te, chhungte dang phalnaa \hian kawm a, intihhlim a chak.

4. Chhungten rem an tih huna infiam a, infiam zawha inbualfai leh sar sar a duh.

5. T.V. a en laite leh Games a khelh lai pawha chhungte tibuai lo tura awm a duh bawk a, chutiang a tih lai pawha chhungten an tirh pawha thinrim miah lo va kal thuai thuai a duh.

6. Huah ngai miah lo va chhungte tibuai miah lo va chhungte thuawih zir nana hman a duh.

Nang, SiKUL CHAWLH engtia hman ve nge i tum le ? FELA ANGIN hman tum ve rawh AW