A CHANCHIN TLáNGPUI
Vawiina kan \hen tâk Obeda Rosiamkima hi Pu Runremliana leh Pi Lalremchhungi te fa tlum ber niin July 30, 2004 khan Aizawl Civil Hospitalah a lo piang a.A unaute chu:
1. Lalpeklawma - 15
2. Laremsangi - 12
Obeda Rosiamkima hi naupang duhawm tak, ngo veng vawng, hmel\ha tak, zaidam leh fing deuh mai a ni a. Nu leh Pa leh ute thuawih tak mai ani. Kum 4 a nihin Anganwadi, Aizawl Venglai ah a kal ve thin a, tunah hian Electric Veng P/S II ah Pawl 1 a zir mek a ni. 2009 atangin Sunday School pawh a kal tan ve a, kuminah hian Beginner Deptt.-ah a inkhawm \hin.
Kumin March thla khan hritlang khawsikin a damlo a, nachhawknate pe-in inlamah enkawl a ni a, a \hat chhuah mai theih loh avangin Doctor panpui a ni a. An damdawi chawhte a ei hnuin a \ha mai thei chuang lova. Dr.Chhuankimi entir a ni leh a, ngun taka investigation an tih hnuin, Pneumonia a ni tih an hmu chhuak a, in lamah hawpui lehin chumi zan ( April 7, 2010) zing dar 3-ah Presbyterian Hospital, Durtlang-ah an lut a.
Durtlang Hospital-ah ni 18 a awm hnuin April 24-ah in lama enkawl zui turin an chhuak a. |hat lam a pan hleih theih loh avangin Dr.Chawngliana entir leh a ni a, Thinlian leh Typhoid tiin Dawmdawi inah enkawl leh niin May ni 1-ah an chhuak leh a, a \hat hleih theih loh avangin May 5 khan Civil Hospital-ah dah luh leh a ni a. Doctor-ten ngun tak a an en hnuin Thluak TB niin an hria a, A hnar a\anga chaw pekna vuahsakin thla hnih zet enkawl a ni a, tlema \hatlam panin July 8 khan a ka a\anga chaw ei zir \anin, a tuk ni 9-ah a hnara pipe vuah chu phawisak a ni a. Hemi ni hian biak theih niin tawite a \awng thei a. |hat lam a pan hret hret avangin Aug 8-h Damdawi in atangin an chhuak a. Mahse khawsik leh luak a la nei zeuh zeuh a.
In lamah hian \hian kawm peihin a \hiante an lo leng a, hlim takin an inkawm \hin a, a ke a la hmang thei lova, mawng tawlhin a insawn thei a, a lu lam a harh \ha a, a bante a tisek a, a ute nen pawh hlim takin an infiam \hin a. A u Lalhruaichiangi hian Pathian thu te a hrilh a, ngun takin a ngaithla a, A pa bulah “Vanah ka kal dawn,” a ti \hin. Naupang thu awih tak a ni a, Damdawi tui lo tak tak ei a ngaih \hin avangin hreh chang a nei \hin a, A pain \ha taka a hrilh chuan thu awih takin Damdawi a ei ve leh mai \hin. A pa hian, “Pathianin |hian thar min pe,” a ti a, a pa nen hian ‘|hianpa’ tiin a inko mai \hin.
Hetia hlim taka an awm chhoh lai hian Aug 20 khan a taksa a vual a, a thak vak mai a, “ Apa, fanghmirin min seh,” a ti a, a phu zawk zawk mai a. A taksa chu vual sen deuh hian a bawh vak mai a, hemi zan hian an inhiat tlaivar a, A tuk hian a nun a nguai a, a chau hle. Doctor-in Avil an chawh chu a ei a, darkar khat vel a mu a. A aia nasain a rawn thawk leh a, zing dar 2-ah Civil Hospital panpui leh a ni a, Doctor-ten kaih hnathawh ni a ngaiin damdawi an lo pe leh a, Naupang Ward-ah an dah leh a, ziaawm hretin a lang a, Inrinni tlai 5:30 luak leh kaihin a bei leh a, chuta \ang chuan nikhaw hre lova awm zuiin, nimin Aug 23 chhun dar 11:30 khan min lo peih loh san ta mai a ni.
KAN |HEN TÂK
OBEDA ROSIAMKIMA
(2004-2010)
VUI PROGRAMME
A hun : 24.8.2010 (Thawhlehni)
Chhûn Dár 12 : 00
Vuitu : Pastor Dr. Lalhmangaiha,
Bialtu Pastor
Chhûngkaw aiawh
Thusawi : Pu Runremliana (A pa)
Hla : Vân hmun ropui hmangaih
ram khi (KHB No.489)
Thlanmual
Vuitu : Pastor Dr. Lalhmangaiha,
Bialtu Pastor
VAN HMUN ROPUI HMANGAIH RAM KHI
-K.H.B. No. 489
1. Vân hmun ropui, hmangaih ram khi,
Mi thianghlimte in a ni;
Anni hnêna chêng ve tùrin,
Khawvêl thilte chu paih la.
Khawvêl ni hi a ral hunin,
Nakinah a in nuamahp
Mi thianghlimte lênna ramah,
Vân inah kan chêng ang.
2. Chatuan in nuam ropui taka,
Léngte zawng chhûng khat an ni
Chu in nuama chêng ve tùrin
Chi tin, hnam tin an sâwm a.
3. Chhandamtu thihna hmun ropui,
Hmangaihna hi an hril vêl;
Inbuatsaih hun a kim chhûngin,
A hmangaihna chu ring la.
4. Pakhat zêla an kal bovin,
An kiam \hìn chhûngkaw tinreng;
Lungduh zawng zawng chatuan hmunah,
Kim leh nî a awm ang em ?
No comments:
Post a Comment