Ka lo tar ve tawh rêng em ni?! (Chawngkhum dàn tláng huat loh)

Ka lo tar ve tawh rêng em ni?! (Chawngkhum dàn tláng huat loh)

-Ellis H.Pachuau

Miten, “Nupui nei tawh rawh,” an ti ve ta chhen mai! Engmah lah chu an hre der si lo va. VENGLAI  Editor Butru zet pawh hian tar min han tih ve tawh chu! Tar hi engtianga teh chi nge ni a, kum upat lamah nge kan teh dawn a, ngaihtuahna upat lamah nge, intihupat chawp lamah ni zâwk ang? tihte min ngaihtuahtîr lo thei lo. ‘Tar’ tih hrim hrim hi Oxford Dictionary pawh han zawt kual vel ila, ‘tar1’ chu kan hriat thiam zawngin alkatara tih bâkin min hrilh lo va, ‘tar2’ pawh chu  lo awm ta tehreng pawh ni se, lawngpû tena an thil zàr \hin ‘tarpauline’ lamtawi bak min han hrilh leh tùr chuang a hre hlei law. Encyclopaedia Britannica lamah pawh han zawt pawh ni ila, chuti tho chu. Kan tar sawi chu a lo hre ve aw kawng lo mai. Chu lam lo zawnga zawh chi chu a ni a, anmahni \awnga lo zawh zâwk tùr a ni. Chutianga zawh chuan a hre nameuh mai le! Thil hi a ni lam zawng chuan a kal purh a, a ni lo lam zawng erawh chuan a sak \âk \hìn rêng a ni.

I péng thui lutuk lo vang. Kawng\um hi hriat sual palh chuan bo daih theih a nia. Taka, ‘Tuikuk-ho hian kawng\um a nih tawh phawt chuan kawng pangngai aiin hla zawk mah se an kal duh tho’ an ti nia! Kan kal lak lawh chuan Section-I  tlangval Lunglei kal tùr, Vairengtea a inhrechhuak ang chauh kan ni palh ang e.

Crossword buaiin kan buai a, R.C-a ten, “Crossword pawh a ni lo, Quiz bu a ni ber,’ min lo tihsak mah se, kan MCS tlangval Crossword chhànna en chuan ‘C.H. Liannghawra’ tia a hming a lo thlâk daih pawh Magistrate pawhin an hriatpui ka ring lo ve, kei tê-reuh hian ka lo hmu khiau lawi a. Football Club lamah ni se, Rama Kawlni-ten “Football lama a peta pet chi ni lo, a ziaka ziak chi,” min lo ti râwl nèn. Section YMA ziaktu lian, Sâng sànga pa (Ani hi \henkhatin Pu Sihlira niawm a ni an ti!) lah chuan love letter ni lo, committee meeting kohna min lo pe ve chhen bawk nèn. Amah, \henna rêng awm lo, eng anga sáng pawh ni se ‘Tawia’ ni tho tho lah chuan, “Zanin chu kan lo pu chairman ang che,” a lo ti ve leh zauh \hin bawk nèn. Hei ha, Hui ha! tih hla hi hre chhuak ni ila chu Pu R.Thangliana ka’n sakpui nghek mai tùr a nia(h). 

Keini ang duang tán chuan Nl.Ngaihi lungrualpuia ‘Lungrun’ han tih hnâp leh Tv.R.D-a te nèna ‘|hapui nang nèn’ han tih kûr hluam lah chu a rem chiah lo va, Nl.Maggie nèna ‘Rem ve thei se’ han tih vel lah chu a mawi chiah bawk si lo. Mizo \awng upa-ah ‘Zadéng tláwm tùr’ an lo ti \hìn kha a ni a, kan venga Ruata Zadeng awm hi chuan, “District khat awptu ka ni, kei, RC-a leh Marinsanga bak hi bial nei kan vengah an awm lo,” a lo ti ve chamchi bawk si a. ‘My Hope’ a ti hlur nangin “Hope-tu’ a nei ngût na maw chu. Ani chezia pawh hi tar lam zia chu a ni e. Buhfai heh vànga mi lian ni lo, buhfai vànga lian ni si, Bedroom hla ber award hlan tùra nominee dinglai, cho tùr awm leh chuang lo ngiang pawhin tar min lo tih chuan, inenfiah chu ka ngai a ni mai thei ka ti rilru a, Sir Samuel-a te nèna ‘Ka nghâkhlel’ tih hla han sak mai chu har tak a ni a, inkhelh lamah practical aia theory thiam hian a chabi lian tak hian min han hawnsak se la chuan a zia deuh tùr hi a nia.

Tawlh thlûk laklawh chuan kan tawlh thlu kan tawlh thlu mai si a. Zira-te angin kan inzir chhuak ve mang bawk si lo va, R.K-a angin charms kan ngah bawk si lo va, Tenuna angin kan birh hman si lo va, Zuala angin kan lungleng reng bawk si lo va, rimna tur ke nei, rim tur hre si lo Sir sáng zet ang hian kan teihawi mai mai reng ang tih hlauhawm tak a ni. Amah Ruatfela pa angin kum sawmthum pathum velah ‘Nula chu a ngama ngam phawt’ pawh kan la zir ve mai thei a. A nih loh leh, saw lam tih dàn takah, engtik lai pawha ‘An Nokia’ kheuh reng mai Mrsi&Beki te anga a kheuha kheuh chhuah kan tum chuan kan la kheuh chhuak ve mai thei bawk a. Bei nge sei run dung tih vel a ni! Sâwma ni si Sâwm tùr hre si lo anga kan tei mai mai reng loh nán. Mahse, Awite-i te angin ‘lungtiawi’ tùr hi kan hmu ve meuh ang em le? tih chu zawhna lian tak a ni a. Ka lo tar ve tawh rêng em ni?