Chhiar tur : Tirhkohte Thiltih 2 : 1-4
1Tin, Pentikost ni a lo thlenin, an zain hmun khatah an awm khawm vek a. 2Tin, thawklehkhatan van ata ri, thlipui tleh angin a lo thleng ta phut a. Tin, chu chuan an \hutna in chu a tikhat ta vek a, 3 tin, leite te, amaha insem darhin, mei angin an hnenah a lo inlar ta a. Tin, an chungah chuang \heuh va, 4an zain Thlarau Thianghlimin an khat ta vek a, Thlarauvin a \awngtir ang zelin \awng dangin an lo \awng ta a.
Hmanlai hian Zawlnei putar pakhat nakina thil lo thleng turte hre lawk thei em em mai hi a awm a, amah chu tu nge a nih in rin? Chu pa chu zawlnei Joel a ni. A hriat lawk theih chhan pawh Pathianin a hrilh \hin vang a ni a.
|um khat chu, chu pa chuan Pathian hnen a\angin thu mak deuh mai a dawng ta a……chu a thu dawn chu tihian a sawi chhuak ta a: ….mi zawng zawng chungah ka thlarau ka leih ang a; tichuan in fapate, in fanuten ka thu an hril ang a, in putarten mumangah an mang ang a, in tlangvâlten inlârnate an hmu ang a: chung niahte chuan ka bawihpate, ka bawihnute chungah pawh ka thlarau ka leih ang a. Vanah leh leiah thilmakte ka hmuhtir ang a, thisen te, mei te,meikhu ding te nen,” tiin (Joela 2 : 28-30). Thil lo thleng tur a sawi lawk hun hi hmanlai Isua pian hma kum 400 daih tawhah khan a ni. A rei tawh in ti em?
Chu chu Isua pian hma kum 400 daih tawha a sawi kha a ni ni kan tih kha. Chutichuan Isua a lo piang a, nangmahni ang tiat a nih lai chuan a pa hnathawhte a pui \hin a ni. Isua chun a lo lian ve deuh deuh a, Pathian rawngbawlin hmun hrang hrangah a kal chhuak a, Amah ringtu, Isua thuawih pawh mi tam tak an awm a ni. Isua kalna-ah chuan Amah ringtu mi tam takte chuan an zui dul dul \hin a ni.
Mahse Isua chu chutia mi tam takin an rin a, an zui dul dul lai chuan Judaten Kraws-ah an kheng bet ta a. Isua a thih hnu chuan Amah zuitute chu mangang takin, khawhar takin beidawng >m >min, zam takin an awm a. An hotupa a thih tak avangin Judate hlauvin an tawmbo \hin a, an inkalhhnan tlat \hin a. |hahnemngai takin an \awng\ai \hin a ni.
Chuan Isua chu a thih hnu chuan vanah lawm mai lovin mite hnenah a inlar \hin a. Ni 40 zet a inlar a, Pathian ram thu a sawi \hin a ni. Chuan…vanah a lawn \ep tawh a, \um khat chu Jerusalem khaw bula Olivet tlang an tihah hian a Amah zui \hintute hmun khata an awm khawm lai chuan Isua chu an zingah chuan a tel ve a, an hnenah chuan heti hian a ti a:, “Jerusalem khua kalsan suh u, Pa thiltiam ka sawi in hriat kha lo nghak rawh u,” a ti tlat a. “Johana khan tuiin a baptis \hin a, nimahsela ni rei lo tean Thlarau Thianghlimin baptisma in chang ang,” tiin a sawi a.
Chuan a Amah zuitu lo awmte chuan, “Lalpa, tunah em ni Israelte hnenah ram i pek leh dawn?” ti tein an lo zawt a ni. Mahse Ani chuan, “Pain a hun leh a ni, ama thu thua awma a ruat chu, nangni lo hriat tur a ni lo ve. Nimahsela Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thuhretute in ni ang,” tiin a chhang daih a ni.
Chutia zirtirte hnena a sawi zawh chuan an hmuh lai rengin Isua chu vanah hruai chhohvin a awm a... Tin, a chhoh laia van lam an en reng laiin mi pahnih, puan var sinin, an kiangah an lo ding a; chu mite chuan, “Galili rama mite u, engati nge van lam ena in din reng? He Isua in hnen ata vana hruai chhohva a awm hi, vana a chho in hmu ang bawk hian amah ngei hi a lo kal leh ang,” tiin an rawn sawi a.
Chumi hnu chuan a zirtirte chuan Olivet tlang an tih a\ang chuan Jerusalem khuaah an kir leh ta a; inlungrual takin rilru hmunkhata \hahnemngai taka \awngtaiin an awm reng a. An vai chuan mi 120 lai mai hi an ni. Chutia an awm khawm lai tak mai chuan hmana Zawlnei Joela’n a lo sawi lawk tawh thil mak deuh mai chu a lo thleng dawn ta a : Thawklehkhatan van ata ri, thlipui tleh angin a lo thleng ta phut a. Tin, chu chuan an \hutna in chu a tikhat ta vek a, tin, leite te, amaha insem darhin, mei angin an hnenah a lo inl^r ta a. Tin, an chungah a chuang \heuh va, an zain Thlarau Thianghlimin an khat ta vek a, Thlarauvin a \awngtir ang zelin \awng dangin an lo \awng ta a’ (Tirhkohte 2:1-4).
Chu ri chu an hriat veleh mipui an rawn kal khawm ta a. Mi tinin an \awng chu mahni \awng theuhvin an lo hriat avangin mak an ti em em mai a! “En teh u, henga \awngte zawng zawng hi Galili rama mi an ni lo vem ni? an ti a. Mahse anmahni \awng ang khan an hre vek bawk si a: A \hente chu Parthai hnam te, Medai hnam te, Elamitai hnam te kan ni a; \henkhat Mesopotamia rama awm te, Judai rama awm te, Kappadokia rama awm te, Ponto rama awm te, Asia rama awm te, Phrugia rama awm te, Pamphulia rama awm te, Aigupta rama awm te, Kurini khaw kiang vela Libua rama awm te kan ni a; thenkhat Rom khaw khual – Judate leh an saphunte nen – kan ni a, \henkhat Krit thliarkara mi leh Arab rama mi kan ni si a; nimahsela Pathian thiltih ropuite an sawi, mahni \awng \heuhvin kan hriat si hi!” an ti a. mak an ti a, a chhan an han inzawt a, tumahin a chhan an hre si lo.|henkhat chuan heng ho hian uain/zu an rui a nih dawn hi te an ti vel a.
Nimahsela Petera leh Isua zirtir dang 11 te chu an ding a, Petera chuan ring deuh mai hian, Nangni Judai rama mite u, nangni Jerusalem khuaa awm zawng zawngte u, heng hi hria ula, ka thu pawh ngai rawh u. Hengho hi in rin angin an rui lo ve, hmana zawlnei Joelan a sawi kha a takin a lo thleng ta a ni zawk e. Isua kha Pathianin thihna phuarnate chu a phelhsak a, a kai tho ta a; Pathian kut ding lamah chawimawiin a awm a, Thlarau Thianghlim tiam chu Pa hnen ata a hmu a, in hmuh leh in hriat hi a han leih a nih hi,” a ti ta piap piap mai a ni.
Kan sawi chhunzawm leh ang em?
Chuan, chutia Petera’n a sawi hnu chuan Juda mipuite chu an thinlunga chhun ang an lo ni ta a, Petera leh tirhkoh dangte hnenah chuan, “Unaute u, engtin nge kan tih tak ang?” an ti a, an zawt a ni. Petera chuan an hnenah, “Sim ula, in sual ngaihdam nan Isua Krista hmingin baptisma chang \heuh rawh u; tichuan Thlarau Thianghlim pek hi in hmu ang,” a ti a. Chuan mi 3000 zet chuan Baptisma an chang ta a ni. Chutichuan mi tinin an hlau ta a; tirhkohte chuan thilmak leh chhinchhiahna tam tak an ti chho ta zel a ni.
Chu Ni chu ‘Pentikos Ni’ kan tih hi a lo ni ta ni. Pentikos tih awmzia chu ‘Sawmngna’ tihna a ni a; Isua Thawhleh Ni a\anga chhiara ni 50-na-ah hman a ni \hin.
Pentikos hi Judate chuan‘chawlhkar kût’ emaw ‘Buhseng kût’ tiin an vuah \hin a, Thawmhnaw var lam inbelin Baptismate an chang \hin a, he hun hi an lo ngai ropui \hin hle a ni.
Tun thleng hian kan Lalpa Isua Krista, thihna hneha a thawhlehna te, Thlarau Thianghlim tihnunna te, a chenchilhna ropui takte ent$rna a lo ni chho ta zel a ni.
Lalpan a thu kan sawite kan za atan mal min sawmsak rawh se. Amen.
-Pentikos Ni (23.5.10 AM-NCI Inkhawm)-
No comments:
Post a Comment