Changtute
Muana : Tlangval fel tak
Manuni : Nula, Drugs addict ngaizawngtu
Fela : Chhûngkaw pakhata hotu/pa ber
Sangtei : Nula, Fela fanu
Zara : KTP Hruaitu
Rini : Nula, Muana \hiannu
Changtu dang
1. Fela nupui
2. Fela fapa, tlangval
3. Fela fanu, tleirawlte
Mamawhte
1. Dar vuak tùr (Keyboard play)
2. Rinna Thutiam Ip
3. Rs.20
4. Holy Bible
5. Kristian Hla Bu
6. Tea cup 3 & Tray
7. Photo album
8. Mouth piece 3 aia tlêm lo
LAN - I
(He Lan-ah hian Rintea leng haw,
LAN - II
(Muana leh Manuni an tîtî mawlh mawlh a)
Muana : Manun, eng i ti ta nge? Tunlai Biak in lamah ka va’n hmu ngai lo che
Manuni : Chuti em ni? I inkhâwm ngai lo a ni lo maw?
Muana : Teh suh ei! Tun lai chu ka absent lo khawp mai. A...K|P Hruaitu Committee han nih hi chuan inkhâwm loh hi kan lang lurh hian a hriat mai a, mahni lama phurna tak tak a awm lêm loh pawh hian inkhâwm hi chu ka \hulh meuh lo a ni. Tak tak a na, ka’n fiam vêl ve mai mai che a nih kha.
Manuni : A...tun lai chu eng emaw harsatna rûk lian tak mai....han sawi chhuah hrehawm tak mai ka nei a, ..mi zînga han tàl vêl hi nuam ka ti ber lêm lo va, in lamah ka tawmim vêl ve mai mai ni.
Muana : E! a ni maw, eng thil nge ni a? Ka lo hriat ve chi a nih chuan min han hrilh ve teh; in \anpui dànte pawh a awm mial mahna.
Manuni : A...sawi ka châk lo viau na a; mahse i lo lên tâkah chuan; ni e, zêp thu chêng lo, khawiah mah chhuak tawh lêm lo se, Rintea.....
Muana : (Phâwk deuhin) Rintea a! Engati nge Rintea daih daih?
Manuni : Mnn....A....han sawi vek law law ila, Rintea hi ka lo hmangaih tlat mai a.....!
Muana : (Phâwk deuhin) Ka hmangaih e a? Ava mak teh tlat.
Manuni : Hetianga ruihhlo a ngai tih ka’n hriat hian ka lainat tlat mai a, a dinhmun ka’n hriat chian tak tak phei chuan Khawngaih/lainatna nên...a... ka hmangaih zual sauh sauh a. Chutih laiin ka \hiante lah chuan “Hetiang Drugs Addict han ngaihzawnte chu,” an ti a, an inti K|P nasa hlawm si a, min deusawh a, a kawm pawh min kâwm \ha duh tawh lo va, keima thiam loh tak pawh a ni mai thei; mahse ka hmangaih ve miau mai si a.
Muana : E! a lo ni maw! Ani pawh hi tun lai chu ka hmu ngai mang lo ka ti.
Manuni : A ni mai thei. A tualchhuak tam vak lo a ni mai thei. A nun hi a ning ve a, sim hi a’n tum ve \hìn a, inah a inkhung ve a; mahse mihring chakna ngawt chuan a buan hi a hneh thei ngang si lo va (a thaw hak a).
Muana : Sim duhnate a lo nei ve tawh maw? A...kei chu hetiangho hi chu ngãiah ka nei deuh a, ka lo uksak ngai vak lêm hlei lo va. An duh a, an ti ni hmiang ka lo ti mai asin.
Manuni : Midang nun chu ka sawi thei hauh lo va, Rintea hi chuan a inchhir thu hlir hi a sawi \hìn a, kei pawh hian sim tùrin ka ngèn ve nasa a. “Mi zînga awmte hi ka zak,” a ti a, a nun a tuihãl ngawih ngawih a, min lo \awng\aipui char char dáwn nia te a ti \hìn a. Rui chungte hian a lên pawh a rawn léng duh hlei nem! Sim han tum teh mah se, a lo tih nasat tawh luatna hian a \hînglêt nasa a, a tih loh tawp hi chuan amah hi a za tlat bawk si a, ka lainat teh asin!
Muana : A lo nih hrep tak chu a. Hmanni Gospel Camping-ah khán a lût ve lo nia.
Manuni : Lut tùrin a chhûngte pawhin an nawr nasa viau a ni àwm e. Kei pawhin ka’n sáwm ve viau a; mahse awmzia a nei ta lo a nih kha. “Ka lût zing tawh a, ka \ha thei chuang lo,” a ti tlat a. Tin, The Truth an ti em ni kha ni? Kha tah khán a lût ve a; mahse a nun chawlh hahdamna tling tak tak si lo khán - Eng ang pawhin sual ila, Pathianin min chhandam vek tawh alãwm’ tih \anin a \ang deuh \uk a, a taksa hi dam lo mah se a thlarau lam tal a dam ka beiseipui viau \hìn a.
Muana : Nang pawhin i bei ve nasa hle maw? Keini inkhâwm tlut tlut; Thlarau bo vei phâk tak tak si lo ‘Rawngbâwltu’ ve ngawt ai chuan i phur chu a lo rit ve êm a nih chu.
(Mitthi dár a lo ri a)
Muana : E he! Chu dár khát chu a ri leh ta tlat mai! Tun lai chu chhiat kan va tâwk zing ve mawle? Tu tak ni maw?
Manuni : Awi....ka thãu-ah a man tlat mai! U-Muan, la haw rih suh aw.
Muana : Tlaivar a ngai leh pek dáwn a ni maw. O.D. te hi alo ni leh a nge? O.D. han tlaivarpui ngawt mai hi chu ka tha a na deuh \hìn.
Manuni : Engati nge? Lainat zâwk awm tak che. Rawngbâwltu i ni ve si a, an khawngaihthlak a sin.
Muana : Chu......ngawi teh, Aurinna in an auin ka hria. Ngaithla chiang teh.
(Aurinna in : Hei hi Aizawl Information Centre a ni. Vengchhûng mipuite hriat tùr : ‘Chhiat tawh thu’ kan han puang ang e: zanin dár 8:30 khán Tv.Lalrinzuala (Rinte-a) Pu Remkima fapa......
Manuni : Awi.... ka duh thei lo (A \ê tuar a, a thidang a....)
. .....Upa Bial 2-na a awm chu Drugs hman sual avàngin an chênna inah a boral a, vengchhûng mipuite kan han inhriattîr a ni e. A ruang hi tlaivarpui tùr a ni ang. (Repeat......)
(An inbawihsawm a)
LAN - II
(Pu Fela te inah, Sangtei a innawt hauh hauh a, a pa-in a bulah chanchinbu a chhiar a, kawngkhar an rawn kik a)
Sangtei : Lo lût rawh (Zara a rawn lût a) E, U-Zara, rawn léng rawh. A remcháng lai laiah khán lo \hu rawh. Eng nge i duh a?
Zara : A.... \hu hman vak pawh ka ni lo ‘Rinna Thutiam Ip’ ka la khâwm e, ka ti a.
Sangtei : Thla a thar leh tawh tak maw. Ka la thun miah lo (A tho va). Ka pa, Chêng Sawmhnih min lo pe.
Fela : Ve ziah a che. Ka ak lo. I intiam a ni lo’m ni? Tuak ve ta che. Hetiang tùrte chu thawhchhuah ve tùr alãwm.
Sangtei : Teh duah a che. Min lo pe mai mai teh.
Fela : (A phawrh \ual \ual a; a pe a) Zara, nu leh pate rinchhana intiam an awm ve em? (Zara chu a nui mai mai a).
Sangtei : (A vei a vei a) Khaw nge maw ka ip kha ka dah kha le. (Pindan-ah a lût a) ip a rawn lek chhuak a, pawisa a thun malh malh a. Zara a pe a)
Zara : A lawmawm e (A tho uai’h a). A nih Sangte kal zêl ka la duh deuh a, ka kal leh rih phawt ang e. Chaw ei tui.
Sangtei : Chuti mai tùr maw? A nih leh chaw ei tui. (Zara a chhuah fel hnu chuan) Ka pa hi i lo tlak leh duah \hìn a, i ti zahthlak êm mai!
Fela : In intiam a ni a, min rinchhan lovin thawk chhuak ve ta rêng che u. Nu leh pa rinchhanin in intiam ve ngawt zêl a, a nih phung pawh a ni lo hrim hrim. Khaw nge i nu te hi? Chawei a va hun ve.
Sangtei : Pindanah an awm a ni ang.
Zela : Han ko teh.
Sangtei : Nu...nu....(A eih lauh lauh a) Lo phei r’u. Chaw ei tawh ang (An rawn phei a).
Fela : (Bible a la a, a ding a) Tûkin chu hun ka’n hmang ang a - Pathian thu ka chhiar hmain thu tlêm sawi ka duh a- Hei, vengchhûngin chhiat kan tâwk a, Rintea Over Dose-in a boral a ni a. Mama te pawhin nun in hman fimkhur hle a \ûlin ka hria. Drugs hi chu tihchhin loh a him ber a, vawi khat tih tawh chuan a bâk zêl a awm \hìn a. |hiante nawr vànga tih ngawt loh tùr, \hian kawm fimkhur a ngai tihna a nih chu. Drugs tih hi mi tam takin pà na leh changkanna-ah an ngai a, a ni teuh lo a nia. Pà tak tak intih pà chawp a ngai lo va, changkãng tak tak tán changkãng anga lan tum a ngai hek lo. Hun ãwl hi hman \hat tùr. Zirlaite in zir ang a, nu leh pâte thu zawm ula, lehkhabu \ha lo chhiar loh tùr. Film \ha lo en miah loh tùr. Mi dangte tluk lo leh hnuai ngawih ngawiha inngaih miah loh tùr. Mite va hnuai chhiah r’u tihna a ni lo. Mahni kan in ngaisáng tâwk tùr a ni. He lai thu hi kan chhiar ang e. (Rom 13:11-14: “Tun lai thil awmzia in hriat avàng leh muhil thawhharh a hun tawh takzet tih in hriat avàngin chu chu ka sawi a ni; tunah chuan kan rin tirhlai ai khán kan chhandamna chu a hnai ta zâwk si a. Zan hi a ral lek lek tawh a, khua a vâr dáwn ta e; chuvàngin thima thiltih chu paih ila, êng thuamin i inthuam ang u. Chhûna awm angin mawi takin i awm ang u, zu in buai leh zu ruia awm lovin, hur leh inngaih hmanga awm lovin, insual leh inîtsika awm lovin Lal Isua Krista chuan inthuam zâwk ulang, in tisa châkna puitlin tùrin engmah insiam suh u,” tih a chhiar a, a \awng\ai a)
(Puanzar)
LAN - III
(Rini te inah-Rini, Muana leh Zara te an kal a,
inchhûng an lût chiah a)
Muana : Vawiin kan Sande Sikul kal chu kan zirlai a sei lûtuk a, ka ning hman \êp zawng a ni. Zirlai a sei mai bâkah kan Superintendent hi a tlak leh duah \hìn a.
Rini : A remcháng lai laiah khán lo \hu rawh u. (Dawhkanah Bible leh Hlabu a dah a) Thingpui kan chhuang nghal ang e aw....
Zara : Zirlai sei lûtuk hi chu a ninawm hmá \hìn a ni. Kan zirtîrtu kha a \awng per deuh a, léngkìr hnuaiah kan awm a ni ngawt mai a....! (An nui ham ham a)
Muana : Kan zirtîrtu pawh sawi thiam teh hi a tum a, a sawi buai lek lek zâwk \hìn.
(Rinin a rawn fin ve leh a, Muana ep zawngin a \hu a)
Zara : Rini, khawiah nge in inthiar \hin? Ka zun a chhuak deuh tlat mai.
Rini : Saw laiah sâwn chhuak la. Toilet tih a lo inziak mai ang.
Zara : In in tharah hian ka la rawn lénglût miah lo va......
Rini : I thei ka ti deuh rêng a ni.
Zara : A chhuah leh hunah chuan inzawh a ngai tawh bîk lo ang. Muanate’n an bel tawh dáwn tehrêng nên (Muana a nui deuh sak a). (A kal a).
Rini : Muan, engtikah nge i zin dáwn tâk?
Muana : Kárleh zirtâwpni khian ka’n tum chhin deuhva, a rem thei ngut ang emaw?
Rini : Sande Sikul i kal kim thei dáwn ta lo a ni maw?
Muana : Dáwn ta lo a ni ang chu.
Rini : Kum Sâwm chhûng an han kal kim thei mai \hìnte hi an fakawm ngawt mai.
Muana : A phâi zin loh thlâk êm mai a!!
Rini : An zin ve tho ang chu. An insiamrem thiam a ni mai alãwm.
Muana : Tak taka, ka’n fiamthu ve mai mai a nih kha. An fakawm khawp mai.
Rini : E......ka thingpui chhuan (A kal a).
(Zara’n a rawn fin ve leh a)
Zara : (|hutna pan chungin) Muana, khawhar ina riak in \hahnem êm? (A |hu a)
Muana : Kan \hahnem ang reng khawp mai. A...\halaite a ni a...
Zara : Tun \um chu ka riak ve ta lo va, ka lài laklawh a ni ber e. Ka inthiam lo khawp mai. Ngawi teh, ka hriat a dik emaw. Rintea khán AIDS a vei niawmin an sawi tlat mai.
Muana : Ka hre bîk chiah lo. A sawi chu an sawi ru sep sep a.
Zara : Damdawi kha a ei mai ni lovin, inchiu a chîng tîraw?
Muana : Tehrêng mai. Inchiu mai bâkah, hmeichhia hi a duh ve \hìn a, a hmuh remchan ang ang hi a kawp chawt thei zêl a.
Zara : Mi thiamte chhût dànin AIDS-te chu hriau inhman\awm leh hmeichhiat mipat hman khaw loh avànga kái an tam ber an ti asin.
Muana : Drugs-a inchiu-ho hi chu hmun kilkhãwr deuhah an in vih \awm liam liam a, pakhatin AIDS a vei chuan inkaichhawn a awl khawp ang.
(Rinin thingpui a rawn chawi a)
Zara : Mite sawi dàn chuan Rintea chuan a thisen a test-tîr a, HIV Positive a lo ni si a, a rilru hahin damdawi a ti vak a, a over dose phah an ti a....
Muana : ‘An ti’ tih hi a tam khawp a, a dikna hriat ni bîk suh le. Amah zawh tùr a awm tawh der si lo va. Eng lo, a lehkha hnutchhiah an tih kha i lo hre ve em?
Zara : Hre ve lêm hlei nem, chutiangte a lo nei a ni maw, englam nge a ziah a?
Muana : Hria an tam vak lo a ni mai thei. Achanchinte a ziak a ni ber mai. Drugs tih \hat lohzia leh a inchhir thu te, a nu leh pâte laka ngaihdam a dìlna te a ni ber e.
Zara : Engtin nge maw i lo hriat bîk chu le?
Muana : A.....A bialnu Manuni a\angin a nia.
Rini : Hman zan khán ruang a kil ve a, engti kawng záwnga kil ve chu ni maw ka lo ti rilru a, an lo inngaihzawn vàng a nih chu. A mak kha ka ti deuh rêng a ni.
Muana : Rintea boral zan khán Manuni te inah ka va léng a, ’tikhán Rintea a lo boral ta si a, min nêl ta êm êm a, a lehkha hnutchhiah pawh min chhiartîr ve alãwm.
Zara : Manuni pawh chu ava hlauhawm ve mai awm ve. Rintea HIV Positive a nih si chuan.
Muana : A ni emaw, ni lo emaw, mite chuan an thinhrik hlawm khawp ang. Ngaihzáwngte sûn bawk, miten an thinhrik dáwn bawk si a, a lainatawm khawp mai.
Rini : Manunin a kai ve ngawt dáwn em ni?
Zara : Sawi har deuh mai a ni. Drugs leh AIDS hi chu a inkaihhnawih khawp mai a.
Muana : Ngawit’u (A sana a en vat vat a). Dár a lo ri daih tawh a nih hi, kan tlãi hlauh ang e, i kal mai ang u hmiang.
(An kal ta a)
LAN - IV
(He LAN-ah hian mipuite chu Drama changtute anga ngaih tùr a ni.)
(Tv.Zarzoliana’n K|P Fellowship-ah Ripawt a pe a)
Zara : Vawiinah hruaituten ripawt pekna hun \ha tak mai min siamsak a, a hmasain lâwmthu ka sawi a. Chutih rualin dárkár li chhûnga kan zir ho hun rei lo tê chhûnga ripawt ka tum dawn a ni a; a phuailuai lai deuhte a lo awm a nih pawhin min lo hrethiam dáwn a nia.
Vawiin kan Fellowship chu member kal kan \hahnem hle a, a lâwmawm takmeuh a ni. Kan hriat angin Ni 10 thla 10, 2001 khán Synod Conference Centre-ah, K|P Central Committee buatsaihin ‘Ruihhlo (Drugs) chungchánga inràwn khâwmna’neih a ni a. Hetah hian Branch hrang hrang a\angin aiawh pakhat zêl kal tùra ruahman a nih laiin Branch 349 a\angin mi 349 kan kal a, kan vaiin kan mithiam (Resource Persons), Central Comt.-te, ei leh in leh reception lam hnathawktute nên mi 383 kan ni a. Reception leh ei leh in lam buaipuitu-Aizawl Venglai Branch K|P-ten an hneh hle a, boruak a nuamin a tlai pawh kan tlai hle. Hun kárlaka zai mawi tak tak kan ngaithla \hìnte chuan beng a titlai hle a ni.
Kan mithiam Dr.Lalthianghlima, M.D. leh Pu Lalkhawngaiha MSW, Director, Mizoram Social Defence Board-te thuziak zir ho a ni a. Chuta kan hriat tùr pawimawh zual deuh deuhte a tawi thei anga ripawt ka’n tum dáwn a ni.
1. |HALAITEN RUIHHLO AN TIHCHHAN TLáNGPUI TE :
1) |hian kawm fuh loh vàng, \hiante tih ang ti ve lo nih bîk an hreh, \hianten an kawm duh loh an hlau. |hian kawm fimkhur a ngai hle tihna a nih chu.
2) Nu leh pâten an zir tâwk lo va, entawn tlâkin an nung lo. Fâte an ngaihsak tâwk lo. Chhûngkuaah inpawhna \ha a awm lo. |henkhatin fâte an awpbeh lûtuk hrehawm an tih laiin, \henkhatin an thlah zalên lûtuk avàng tein. Vawiinah a tam zâwk chu chhûngkaw din tùrte kan la ni a, kan mawhphurhna a sáng hle tihna a nih chu.
3) Tin, hmuh a awlsam vàng te, tihchhin chak ve hrim hrim avàng te, eng vàng emaw ber (e.g. ngaihzawng, nu leh pâ in\hen) rilru nat vàngte leh mahni inhmuhhniamna avàngte a ni deuh ber a.
2. NGAWLVEI CHHAN HRANG HRANG TE :
1) Tichhin ve zeuh zeuhin nuam an ti tial tial a, duh hun huna ban leh mai theihin an ngai a, an hriat loh hlânin a ngawl an vei thìn.
2) An lo hmang zing telh telh a, \hiante nên lo pawh an ti \an a; mahni in chhûngah te, hnathawhnaah te leh hriselna lamah harsatna an tâwk \an a, sim duhna an nei a, an sim chuang hlei lo va, an nunah a pawimawh tawh a, a ngawl an vei tawh a ni ber.
3) A tâwp a tâwpah an nunah a pawimawh ber a. Engkim dang chu a ve lek chauh a ni tawh. A tha leh zung zawng zawng chu ruihhlo hmuh nán a hmang ral a- dawtsawi, rûk rûk leh thildang engmah pawi leh pawi lo a awm thei tawh lo. Drugs bawih dik tak a ni a, a lovin a awm thei tawh lo. Hriselnain tuar mah se a tih a \ûl tlat tawh a, a thluakah danglamna a siam tawh a, a nghei ve lahin \hìnlêtna a tuar lo va, natna benvawn nei, rei tak enkawl ngai a lo ni ta a ni.
3. MIHRING A TIHCHHIAT DàN LAM VE THUNG :
Mizorama ruihhlo kan hman sual lar deuhte chu Proxyvon, Nicotine, Cough Syrup, Heroin, Ganja leh Inhalants (Dendrite & Petrol) te a ni a. Ruihhlo ngawlveite tán chuan dam lehna kawng hi a thuiin, tal chhuak thei tlêmte pawhin damchhûngin harsatna an tâwk tawh \hìn. Taksa, rilru leh thlarau a khawih a; taksa hrisel lohna hrang hrang rilru-ah hlauhna, nguina, rilru fîm hman theih lohna a thlen a, Pathian nên inpàwlna a awm thei lo \hìn.
1) Proxyvon hlauhawm dàn : He damdawi hian rilru hlimna siam ve thei bawk mah se hlauhna, luak chhuak, thaw-hah, BP hniam a siam thei. Over Dose a hlauhawm hle. Ei tùra siam a nih avàngin inchiu hian thisen zám a tichhe thei a, hei hian taksa khawi lai mai pawh a tihrisel lo thei \hìn. Inchiu-na hriau thianghlim lo hman avàngin páwn lam leh chhûng lam-chuap, thluak, lung, kal-ahte pán a siam a. Hepatitis ‘B’, Hepatitis ‘C’, Tetanus, Malaria leh tun lai natna hlauhawm ber mai tihdamna awm rêng rêng lo AIDS thlengin a kai theih a ni.
2) Hnim ruih leh zûk lam : Hlim ruih lam leh zûk lam chi hian thluak a thleng hma a-thluak a sáwng tê a, rilru a tichak lo va, âtna a thlen thei. Kal, thin leh Nerves tán a hlauhawm hle. Ganja avànga ã tawh \ha chhuak leh sawi tùr an vàng hle.
3) Khuh damdawi lam hian BP sang, zawi ngawih ngawihna, rilru ngaihtuahna tãwi, chaw ei tui lo, chèr tial tial na, hmeichhe tán thi neih mumal loh, lung vûng, lungphuchâwl, chuap natna a thlen duh hle.
Tin, film show kan en bawk a. Hetah hian ruihhlo avànga taksa hmun hrang hrang chhe tawh te. Daktawrin an enkawl vêl leh an sawngbawl vêl lai film a ni a. Kha tiang êm êm khán Drugs hian mihring taksa a tichhe thei ang tih ka lo ring pha ngai lo va.
Pán pawrh \êm \uam, kutke vûng chhah \ep \up, hnái pãi vûng leng lung, taksa sawrbawl \ek \uk, inchiu sual avànga kap vêl kaw pheu phuau, pangkhing dáwn dáwn pán pilh dei duai’hte leh ti \ha alawi pawh nei tawh lo ruhkawl hlang niawm tak, cher pan chhe tak tak te, thisen tlachham dawldáng êm êm te, taksa dum rem ruam kutke inlenhleihte leh an nunna chhan beisei avànga loh theih loha kutke tan ngaite an awm a, râpthlâk tak a ni.
|halaiten ruihhlo an tihchhan te, an ngawlvei chhan te, mihring a tihchhiat dànte kan sawi tawh a, tunah a venhimna lam ve thung.
1. Mimal angin :
Nun vawn \hat tùr,dinhmun hriatchian tùr, inngaihhniam loh tùr, thil tihna-ah beidawn mai loh tùr, ni tin Pathian pàwl tum tùr, \hian kawm fimkhur tùr, hun âwl hman \hat tùr. Tihchhin miah loh tùr.
2. Chhûngkua-ah :
Nu leh pâ ni mêkte leh chhûngkaw din mai tùrte tán bîk.
1) I fâte nunah a tam thei ang ber inhnamhnawih la, chhûngkuaah inpawhna \ha siam tùr.
2) I fate entawn tlâkin i nun uluk rawh.
3) I fate nun dàn tùrah Dàn felfai tak siam rawh. Abîkin hun hman dànah leh thil tih tùrah. Thil eng pawh a lûtuk a \ha lo va, awpbet lûtuk suh la, thlah zalên lûtuk hek suh. Lalpa laka i rochan a nih theihnghilh ngai suh.
4) I fate thiltihah fakna leh lâwmman pêk chîng rawh.
3. Khawtláng (Society)-ah
1) Drugs-a fihlim \halaite tán tithathotu leh lâwmman siamsak
2) Intihhlimna mumal leh rintlâk neih
3) Zirtîrtu (SS/School) nun kaihruaitu leh kawhhmuhtu nih tum hrãm hrãm
Aw le, khángte kha ka’n ripawt theih chin ni mah se, Ruihhlovin kan ram min tihchhiat leh tihhrehawm dàn sawi thiam a har a, tunah kan chhûngkua chu kan lo fihlim a ni thei e. Kian lam a pan si loh chuan kan kawngkhar a rawn thleng ve ngei dáwn si a, engpawh nise, keini ringtu Isua hnungzuitute hian he harsatna hmachhawn tùrin \an kan lâk lehzual sauh a ngai tak meuh meuh a ni.
Ka lawm e.
(A kal a)
LAN - V
(Manuni chu khawhar hmél takin amah chauhvin inah a awm a, thlalâk bawmte a en a, a zai deuh riai riai bawk a)
(Sililoquy): Rinte, tunah zawng he lei hrehrawm hnutiang chhawnin vân khawpui tualah i leng tawh si maw. Nang ngai rênga hun hman zawng chhûn ni a reiin zan khua a sei vawng vawng ngei e. Aw....kan hlim lainite ava rei lo êm! Khawvêl hi ka tán zawng ava ruak tehrêng êm! Engvàng kher nge Ruihhlo hi a lo pian ve le. Mite tán damna dawi kha Rintea tán zawng fam dairial chantîrtu maw lo ni.
Rinte, i thiltih \hatlohzia i sawi \hinte kha. |hian i thlan sual kha a pawi êm a ni. Lo chhin lo hrãm la, a bawihah i táng lo tùr. Tal-chhuah i tum pawhin i talchhuak thei si lo maw.
I chan râpthlâkzia kha i \halai-puite hi han hriattîr thei ni la : chaw i ei theih loh te, thisen i tlâkchham \hinzia te, chhûngte ensan i hlawh dàn zawng zawng te, mite laka i inthlahrun \hin dànte kha aw.....Hlimna a maw i tih khân lungngaihna-ah a hruailût che a, mihring hmélma lian ber-\halaite tána âtna leh nun titawitu, chhûngkaw tlakranna leh taksa tichhetu hmélma \ihbaiawm chuan i duh rêng vàng pawh ni tawh lovin a zèm ã che a maw. Chhûngkaw chawkbuaitu, khawtláng leh ram ti\awptu i nih phah ta si a. Mihring pawi i khawih mai ni lovin Pathian pawi khawih i lo ni ta si a. Rinte......ava pawi tak êm...!
Nangmah avàng tal hian i \halaipui ruihhlo bawiha táng mêkten bansan thei se. A bawiha la táng ve loten a \hatlohzia hmuthiam thei se ka va ti êm! A hring a hranin rawn zirtîr leh thei ni la, nangma tawn râpthlakzia a\ang hian ruihhlo bawih \hatlohzia hrethiam thei se ka va ti êm! Mahse ....fam khawpui tualah i léng tawh si a maw......Ava pawi tak êm!
Manuni : (Tukverh-ah a dâk chhuak a) E....Vân te chu ava thiang teh kûk ve le.....zan a reh tawh viau na’ngin tualah kan tei chhuak teh ang. Lunglên pawh a ném deuh mahna......
(A chhuak a)
LAN - VIII
(Manuni chuan meng ã riaiin vân lam a en vang vang a)
(Sililoqui): Thla lah chu a êngin arsi-te lah chu ava pe \ha en un ve le...khiiii ta \ang khian Rintea thlarau rawn léng thla delh delh se la aw.....Tu ma tihbuai lohvin helai hmunah hian vawi khat tal han intawng leh ila....aw....hrilh tùr ka va’n ngah tawh tak êm! Ani pawhin sawi tùr a ngah tawh awm si a.....Rinte, Rinte, min va tîriang thlawn êm!
(A kun ngaih a, a indawm a; chutih lai chuan Muana a rawn kal chhak chhak a.)
Manuni : Awiii.... ka duh thei lo, tu nge ni?
Muana : E khai ! Manun, engati nge tun ang zan khaw vâwt kárah hetiang chen chen i awm a? A hlauh pawh i hlau lo’m ni? Drugs ngawlvei-hovin an rawn hmu mai tùr che asin.
Manuni : Muana, nang i ni maw?
Muana : Aw ni e, Manun, min hlau rêng rêng suh. I khua a har deuh em ni a? Zan a rei tawh asin ! Ti rawh i haw ang.
Manuni : Muan, keini tán zawng mite tána damna dawi kha THIHNA TûR a chang ta mai si a. Ruihhlo chuan Rintea a eiral a; Rintea’n min eiral ve dáwn a nih hi....A zia lo hle mai. Hei ka mualpho chu a ni ta......
Muana : Mualpho hran chuang lo ve. I rilru tihah duh vak suh. Ti rawh i haw tawh ang.
(An kal ta a)
A TAWP TA
03092001
No comments:
Post a Comment