|HALAITE LEH TUN LAI HNA VÂNG HI

|HALAITE LEH TUN LAI HNA VÂNG HI

(Lalrinmawia leh Samuel Lalfakzauva te nen)

Moderator: Mizoram hi ziak leh chhiar thiam tam lama tehnaah chuan India ram pumah pahnihna kan ni mêk a. Ram puma kan sanna hi chhuan tlâk pawh a ni a; kan hmai pawh a uang viau rêng a nih hi. 2001 Chhiarpuiah khan mihring 8,91,0 58 (Nuai riat Singkua Sangkhat Sawmnga leh Pariat)-ah mi 6,63,262 (Nuai ruk Singruk Sangthum Zahnih Sawmruk leh Pahnih) zet chu ziak leh chhiar thiam kan ni a; chu chu mihring Za-a 88.49%-in ziak leh chhiar kan thiam tihna a nih chu.

Heti a nih mêk lai hian hnam dangten min hmuh dànah ziak leh chhiar thiam tam lam tehnaah sáng viau mah ila, ram enkawl dànah leh awm dànah hian kan lehkhathiamna hmêl hmuh tùr a vâng viau va : chhawr tlâk pawh kan vâng viau niin a hriat. Employment Exchange-ah te lah a za têl mai ni lovin a singa sing têl tehmeuh hna zawng kan inziaklût mêk si. Mahse, kan ramah engemaw Project lian tham deuh hna thawh tùr a awm dáwn apianga phai lam mi chah-chhuah a \ûl fo pawh hi chona leh a zahthlâk záwnga lâk chuan zahna tham a tling lawi bawk si a.

Ziak leh chhiar thiam tehnaah sáng viau si hian kan dinhmun in-enin mutân kan nei niin a hriat a. |halai hna hmu lo, vâk rawlài mai mai, lehkhathiam hna thawh tùr nei lo lah kan pung tual tual a ni si a. 3rd Member tunah hian engzat chiah nge hna zawnglai Employment Exchange-a inziaklût hi le ?

3rd Member: Ni __________a mi kha kan hriat theih hnuhnûng ber chu a ni a; chuta a lan dàn chuan-

1. Matric (HSLC) chin hnuai lam -

2. P.U.C -

3. BA/B.Sc/B.Com belh khawm -

4. MA/M.Sc/M.Com-belh khawm -

5. B.Sc (Agri) -

6. B.E -

7. L.LB. -

8. B.Ed -

9. B.V.Sc -

10. M.Ed -

11. M.Sc (Agri) -

12. BDS -

13. M.B.B.S -

14. M.B.A -

15. Driver - 16. Electrician/Surveyors/Artist/Steno etc. -

17. Physically Handicapped -

18. A zavaia belh khawmin =

Moderator: Tunah tak chuan i sawi ai khán a sáng zâwk tùrah ngai ila. Lehkhathiam hna hmu lo, ram leh hnam vei pha chin chutiang zat zat kan awm si chuan kan hma-khua a va thim mai awm em !! Khawvel History kan chhiar chuan Revolution hrang hrangte hi zirlai veng-va chin, ram kalphung hre phâk; mahse dinhmun \ha (upper class)-a ding ve thei si lo, 'Middle Class' kan tihte a\anga chhuak hi a ni deuh vek mai a. Middle Class an thinrim chuan chhiat-rupna a thlen theih tlat avàngin kan ngaihthah mai zawng a fel dáwn lo hle a nih chu. Hetiang tak maia hna vâng leh lehkhathiam hna hmu lo kan tamna hi 1st Member: eng nge a chhan ni-a i ngaih ?

1st Member: A.... kei ka ngaih dàn chuan sorkarah ngawr ngawr hian hna kan beisei a, Kamdinna tùr ngawr ngawr hi kan zawng a, kamdinna tùr hmu lo hi hna hmu lo-ah kan inchhiar a. Sorkar hna a vàn zia lah chu tláng hriat a ni si a.

2nd Member: Sorkar lo chu beisei tùr a awm bawk si lo a nih hi, Mahni-a din tumin han bei ve dáwn mah ila, a harsa tlat niin ka hria. Kei chu Ram Inrelbawl Dàn Fel Lo hi a chhan lian tak niin ka hria. Kan pi leh pûte hun laia hnam intodelh tak ni \hîn kha politics avàngin hnam pachhe berah kan insiam a, mi thawhchhuahsa ringa kan khawsak chuan thatchhiatna leh dawngdahna min thlen a. A hmasâwn záwng ni lovin a tlaran záwngin kan khawsa a. Ram hnùk khawih pha ruahmanna \ha 'Infra-Structure' lamte hi tih a awm lo va, hna thawh tùr a vân phah ta a nih hi.

3rd Member: Kan ram chhûngah ngawt hian hna kan zawng a, Civil Service-te pawh kum tin hna ruak a awm a, kan tribal kephah hlai manah quota kan nei lehnghal a. State danga thawh hi kan hreh ve deuh bawk atin a ni.

Moderator: Kan quality hi a \ha lo ve bawk niin ka hria. Certificate sáng pui pui, \ha pui pui nei ve si hian kan Certificate-in a phâk tâwk thiamna kan nei lo va. Entirnan- "Post Graduate Degree nei zawng zawng hi Delhi University hnuaia thawk tùrin rawn chhuk thla vek rawh u," ti pawh nise, thawk ngam lo tùr kan tam viau mai thei asin !! Mahni zirlai thiam tum lo, pass ringawta lungawi mai, degree nei chhawr châkawm loh tak tak hi kan tam ta em bawk a ni. Graduate ni ve si, Application mâwl tê pawh mahni ir-áwm chhuaka ziak thiam lo kan tam a nia!! Kan quality hi a chhia a, State danga hna hmu nalh nalh tùr chuan kan harsat a ni. Civil Service-te pawh infuih nán kan han hmang tak na a, tribal quota kan ti chamchi a, kan tribal puite an \ang a, kan lehpel hlei thei tawh lo a nih hi. A chhan bul ber chu kan quality chhiat vàng hi a ni tlat a ni.

1st Member: Ngawi teh, an zavai chuan ka hmer hauh lo va, zirtîrtute hi alawm maw le. Zirtîrtu ni ve si, zirnaa tui lo, hlawh hmuh nán chauh va hmang, inpêkna tak tak nei lo, inzirbelh tum rêng rêng lo, hlawh tihsàn nán bâka inzir thar peih rêng rêng lo, Teaching Method thiam tâwk lo, inpuahchahna nei \ha tâwk bawk hek lo, Period awl kára mahni subject lâk ngei ngei pawh a hnawh khah nána sawi belh tùr hre miah lo hi an tam a nia. Nun leh incheina uluk lo tak tak lah an tam.Mi satliah hi kan tam ber a, zirtîrna \ha dawng lo kan tam si a, quality \ha han neih ngaihna chu a awm lo ve bawk a ni.

2nd Member: Chu tak chu alawm. Ram inrelbawl dàn \ha a pawimawhna chu. Kan politics khelh dàn hi a chiri deuh a, party politics inrawlh thûk lutuk pawh hi kan chhiatna bul chu a ni. Kan zirna hmuna mi pawimawhte, Office hna thawk leh Zirtîrtu lâk, chhawmdâwl leh sawn kual thu-ah Party Politics kan chelek lutuk a, Party mi leh sa induhsak bîkna avàngin a thiam lo zâwkin a thiam zâwk dinhmun kan luah a. a thawktuin a zawh loh nghâwngkawl a bat a, zirtîrtu bîkah phei chuan zirtîrtu zia pu rêng rêng lovin zirlai an kaihruai a,zirlaite khuarkhurumah min hruai lût a nih hi.

3rd Member: Kan rama zirna enkawl dàn hrim hrim pawh hi a chiri deuh niin a hriat a. Directorate pali- School Education, Higher and Technical Education, Sport and Youth Services, Art and Culture-te bâkah Mizoram University leh Mizoram Board of School Education-ah \hen a ni a. Hlawm hrang hrang heti zozaiin an inenkawl \awm lai hian Ministry hrang hrangin an inenkawl sem leh bawk si a, hetianga hnatláng lutuka enkawl a ni hi kan chhiat phah niin a lang.

Moderator: I'n tih takah chuan : kan zirna kalphung hian ram mamawh a phuhrûk tâwk lo niin a hriat bawk a. Hmasâng a\ang tawhin hnam tin hian naupang leh tleirawlte chher puitlin tum dàn an nei \heuh va, mahni intungnunga intodelh tùr chauh ni lovin mi dangte kepa, khawtláng tána mi puitling leh \angkai ni tùrin an inchher \hîn a. Kan pi leh pûte pawhin 'Mi lû, Sa lû la tùrin' an chher a, chu chu an intlansiakna a ni. Kan rama zirna hi kan duhkhawp lo va, kum tinin phai lam kan pan ruih ruih mai a nih hi. 'Vairengte pel lo va Degree neih ka duh lo' titute pawh hian an tihna chhan chu kan rama zirna hi an duh khawp loh vàng niin a hriat.

2nd Member: Kan zirna pangngai ngawr ngawr (General Line) a\ang ngawt hi chuan ram \hanglaiin a mamawh mi thiam bâk,chhawr tlâk (Skilled Man Power) nei a chher chhuah theih lo va, Quality \ha chher chhuak lovin Quantity lamah kan pung hluai mai a nih hi. State rethei kan nih avàngin hmun hla zâwka zirna atána sum sêng tùrin chhûngkaw tam takin kan tlin lo; tuna kan zirna kalphung hi academic line deuh ngawr ngawr a ni a, Subject dang engemaw Compulsory bâka thlan tùr awm lo ta chu, thiamna dang hmanga thawh theih tùr thiam zirna kan nei lo va, mahni kut-ke-a ding thei tùrin thiamna kan pawchhuak chuang si lo a ni.

1st Member: Kan khawtláng nun pawh hi harsatna min thlentu a niin ka hria. Tih ho lêt lêt kan ngah a, Association apui lah hi kan ngah. Pui pun leh programme engemaw a tam êm êm a, kan lêng chhuak tam a, hmeichhia leh mipa kan innêl a, ngaihzáwng neih kan hrât a, chu chuan kan nun a tiza a, \halaiten lehkha kan zir hman mang \hîn lo a ni. A malin kan awm tlem a, lehkha zirna hun \ha pawn lamah kan hmang tam a kan ngaihtuahna leh finna hi kan exercise tlêm êm êm a, lehkha zirna hun \ha neih mumal loh chuan ekzam dáwna beih ngheng a \ûl a, by-heart a lo chhuah fuh chuan thiamna tak tak paw chhuak si lovin kan pass ve leh mai a. Degree / Certificate nei sâng satliah, hman tlâk loh, tlawng-âwl kan lo awm phah a nih hi.

3rd Member: Career Awareness kan nei lo lutuk pawh hi kan harsat phah niin ka hria. Inhrilh hriatna awm ta lo chu kan bawh lam kan bawh huk huk a, kan tih tùr chi a ni nge ni lo lam ngaihtuah lovin mi tih avàng maiin kan ti ve hlawm a, General Line-a kal tùr chi emaw Technical Line lama kal tùr chi emaw kan nih inngaihtuah lèm lovin kan ár khaw thim dai a, chutiang mai mai chuan thiam bîk nih a lo har a, chu chuan harsatna namen lo min thlen niin ka hre ve tlat.Tin, chubâkah : Central-ah te, Company leh Corporation dang dangah hna ruak a lo awm châng hian a puan zar lam hna hi kan chak tâwk lo va, ekzam duh, dil duh tán pawh hriat miau loh chuan engtin nge kan ekzam theih ang ?

Moderator: A ni khawp mai. Sawi zêl dáwn chuan sawi tùr dang pawh awm zêl thei tùr chi a ni a. Engpawhnise, hna a vàn chhan leh lehkhathiam hna hmu lo kan tam chhan tlángpui kan sawi ho tawh a. Hetiang hi kan dinhmun a nih si chuan, zirlai lah kiam a hnehin kan pung tual tual a ni si a. A zual zawpui vailen hlo an tih ang chauh kan ni mai ang tih a hlauhawm viau va, engtianga kan harsatna chu han chinfel chi nge ni ang le ?

2nd Member: Kan Value System hi thlâk a ngaiin ka hria. Hman deuh a\ang khân sorkar hna thawk (White Collar Job) ngaisâng \hîn kan ni a. Zirlaite fuihna pawh, " Lehkha i zir \hat peih loh chuan mi puak i phur mai ang," tih a ni \hîn. Kut hna thawh kan hmu hniam a, kut hna thawh kan ngaisâng lo a ni ber. Tunah hian Mizorama hna thawk awm zat, Statistical Hanbook 2001-in a tarlan danin :-

Category Permanent Temporary Total

1.State Govt :

2.Central Govt :

3.Semi-Govt :

4. ADC :

5. Banking :

Tin, Mizoram Sorkar hna thawk awm zat Dt__________ a mi chu :-

1. A nghet a thawk___________

2.A nghet lo va thawk__________

3. Total___________

Mizoram mipui atangin za zel mi_________-in Sorkar hna an thawk tihna a ni chu. Sorkar hna lah a vang tual tual a. Chuti a nih si chuan kan value system kan thlâk a, kut hna thawh zahawmna leh hlutna inzirtîr thar leh a \ûl ta a ni.

Member: Hna thawk tak tak duh pawh ni ila, thar chhuah hralhna tùr a awm leh bawk si lo va.

Member: Chu tak chu alawm. Ei leh bar zawnnaa \halaiten kut hna thawh kan uar tak tak dáwn chuan thar chhuah hralhna (Market) \ha neih a \ul dáwn a ni. Lo lam thar a ni emaw, huan lam thar a ni emaw, ranvulh lam a ni emaw, Industry lam siam chhuah a ni emaw a market a \ha tùr a ni. Mi thiamte chuan, "Hralhna hriat phawt a, chumi hnua thar chhuah chauh tur,"(Market first, production second) an ti \hîn. Hetianga hma lâk hi a \ûl dáwn a ni.

Moderator : Kan thawk a nih vek vek pawhin ti mai mai lovin, tling leh \ha, tam tâwk kan thar chhuak tùr a ni. Mi ramin an duh vek vek chuan an duh tam \hîn nasa mai si a.

2nd Member: Hna thawk tak tak tùrin Communications leh Power Energy lamah kan pachhe bawk si a. He lam hi Sor kar pawhin a ngaihpawimawh a \ûl ngei ang a. Tuna kan dinhmun siam \hat nán chuan - Natural Resources lamah kan hausa lo va, Industry lian tham din turin Power Energy tihtham kan nei bawk si lo va, chubâkah, raw materials kan neih mumal ve loh avàngin State dangte kan el(compete) pha lo mai thei bawk a. Chuvàngin, Pathianin min pêk ramngaw hausakna hmang hian Power Energy mamawh lèm lo- Handicraft lam leh Agricultural Products lamah \an la ila, chu chu a fuhin a rinawm.

3rd Member: Tin, kan rama Mau heti zozai awm ngheng nghung hi a ven lam kan uluk loh phei chuan kan la tiriral mai mai dáwn a, Paper Mill din pawh hi thil \ha tak a nih a rinawm. Kan hlâwkna tùr a nih dáwn phawt chuan Mizote hi hnam thatchhia kan ni miah lo a nia.

1st Member: Hna thawh thiam dàn leh thawh hlâwk dàn tùrte pawh inzirtîr a \ûl ang. Tuna kan zirna ina kan inzirtîr dan phung pangngai ngawr ngawra kal lovin, eizawnna tling tùr thiamna paw chhuak thei zâwnga zirna her hi kan tihmâkmawh a ni ta a ni.Tuna kan kalphung hi chu- Academic Line : Arts, Science leh Commerce Stream hi a ni deuh mai a. Vocational Stream hi a \ûl a ni. Kan Secondary leh Higher Secondary School-te hi chu Vocationalise a \ûl tak meuh meuhin ka hria.

Moderator : Engnge ni Vocational Stream chuan a tum ber ?

1st Member: Vocational Education-in a tum ber chu :-

1. Zirlaite chhawrtlâk ni thei \ùra hnathawhna khawvêl lam hawi záwnga zirna peng\huam siamsak

2. Mahni inringtâwk tùr leh eizawnna tling thei tùra zirlaite buatsaih

3. Ram \hang mêkin a mamawh Skilled Man Power chher chhuah

4. A pui a nawia zirna sáng zâwk bawh hum hum tihtlemte a ni.

Vocational Course-ah chuan heng subject - agriculture, trade and commerce, electronics, tourism, advertising,  publishing, stenography leh a dang dangte pawh a la tam ang, chû'ngte chu a awm a, subject tui zawngte thlan theih a nih chuan zirlaite chuan eng kawng ber emaw an la thei ang a, chû'ng mite chu chhawrtlâk an ni mai dáwn a ni.

3rd Member: A \hat dáwn chu. Tin, Zirlaite hma khua tùr ngaihtuahpui a, Career Awareness pawh neih tam a \ûl viau dáwn a nih chu. Tin, Man Power Planning hi Sorkar hian ngai-pawimawh sela, ram hmasawnnain a ken tel, kan mamawh tùr chi thiamna nei tùra zir (training) tùr mumal takin ruahman nise. Thiamna bîk neih a ngaih avànga hna tam tak hnam dangten an luah mai tùrte thlir lâwk thiam sela, ram leilung fâten an hnawh khah ngei theih nán zirtîr se. Seat a awm tih vàng ngawta technical line leh thil danga training intirh pawh hi an rawn chhuah hunah hna an hmu dáwn lo a ni tih hriatsa rengte phei chu intirh loh ni ta se, chu chu kan ziaawmpui mai thei.

2nd Member: Civil Services-a luh chungchângah pawh hian a inziaktlingte tána Cash Incentive (Cash Award) a buatsaihte hi a \hat rual rualin a lera in\huai hian awmzia a nei tam lo ni hian a hriat a, Civil Services-a lût thei tùr hian a bul thùm a\anga tihfuh loh chuan a harsa tawh \hîn a. Hun liam tawh chu theih nghilh ta ila, tuna kan harsatna phuhrûk thei tùr chuan Sorkar hian Coaching Centre \ha tâwk tak hawng ta se la, Civil Services-ah hian kan lût tam thei deuh chuan a rinawm a ni.

1st Member: Man Power Planning han sawi takah chuan Man Power Supplier pawh hi awm ta se. Hna hmu lote cheksawlh nán tak ' Foreign-ah leh State dangah awm in hreh' kan ti fo va. Kawng kawhhmuh pawh awm mumal lo vin thil tih a harsa a lawm. A thei fal deuhte tan chuan a theih mai a. Mahse mimir hi kan tam ber a, State dang leh Foreign lama fehchhuak ve thei tùrin kawng sahsak se, sum leh paia \anpui a ngai a nih leh \anpui se, chutichuan, kan feh chhuak hum hum mai tùr alawm.

Moderator: State dang leh Foreign-a kal tur chuan kan quality pawh a \hat deuh chu a \ul ang. Degree nei hman tlâk ni tùrin zirlaiten mal tlat nun nei ngam ila, pass ringawt tum lovin , kan zir chin phu tâwka thiam tum ila, tun ai hian thluak sawizawi nasa ila, chumi ni thei tûr chuan kan khawtláng nun pawh her danglam deuhin- huau huau titlêm ila, association hrang hranga hruaitute pawhin zirlaite chu kut-ke berah hmang lovin, hriatthiam chin nei ila. In-len-pawh kan chîng lutuk pawh hi sim deuh ila. Zirlaiten lehkha zirna hun \ha kan neih a, kan thluak kan sawizawi theih phawt chuan thiamna tak tak kan paw chhuak thei dáwn a ni.

1st Member: Zirlai chhawr tlâk chher tùr chuan Zirtîrtu pawhin theihtâwp kan chhuah a \ûl ang chu. Kan nun vawng uluk ila, hlawh hmuh nán chauhva ngai lovin, hna tak tak kan thawk a ni tih hre thar ila, Zilaite pass- tîr leh ekzamnaa tih\hattîr tum ngawr ngawr lovin thiam tak tak, ram leh hnam tána chhawr tlâk ngei chher chhuak tùrin \an la ila. A tam lam (quantity) aiin a takna (quality) lam hi uar ila, quantitative ni lo va, qualitative Education atán \an kan lâk a \ûl a ni.

2nd Member: Sorkar lam pawhin Zirtîrtute hi ngaihsak deuh se la, an nungchang khuahkhirh deuh se, training pe tam bawk se, neitu dinhmun keng lehzual se, zirtîrtu lâk chungchângah pawh a phu leh tling chauh lain political consideration hi dah bo se. Tin, hnatláng lutuka enkawl lovin Education enkawltu mumal tak, khai khawmtu \ha tak din nise, kan ziaawm phahin a rinawm.

Moderator: Sorkar hian infra-structure \ha tak, ram hnuk tling ngei tùr ruahman se la, chu chuan kawng tam takin kan harsatna hi chu a sukiangin ka ring.

1st Member: Sorkar hna thawk an tam zia lah, kha, kan hria a, sorkar hna thar siam tùr a awm lo a nih pawhin pension kum hi chu tihtlem /tihtawi deuh chu nise a ziaawm chuan ka ring. Hna zawng lai kan tam si a, pension lam tal chhuak an tam loh chuan a buaithlâk a nih hi. Pension tawh rawih nawn leh lek phei chu tih loh tawp nise.

2nd Member: Kan State-ah hian Official Language-ah Mizo |awng leh Sap |awng kan nei a. Kan \awng ngei hi Sorkar hna thawh nán hmang ila- Chuti a nih chuan Dàn Bu te leh Sorkar thu chhuah hrang hrang Mizo |awnga chhuah a \ûl ang a, lehkha bu chhuah lam ti-mi ten lehkha bu a\ang chuan sum an lo hmu ve thei ang a, chu pawh chuan kawng ro a su-in a rinawm.

3rd Member: Kan mihausate pawh hi an chet chu a hun a ni lo'm ni. In-chhawng sa satliah mai lo hian, Industry engemaw din ta se la, chu chuan hna hmu lo tam tak chu hna a pe thei ngei dáwn a. Kan mihausate an \hangharh a hun khawp mai.

Moderator: A ni khawp mai.|halai hna hmu lo kan tam êm êm mai si a. Inkuangkuah veng veng chu a hun tawh lo a ni. Thiamna naranah chuan kan sáng khat ta a, ram chhûnga thawk tùr pawh kan indaih khat viau va. Engpawhnise, kan harsatna leh kan mutânte tikiang turin |HALAITEN ei leh bar zawnna kawngah kan tih lam apiang uluk leh chîk taka kan tih a \ûl a. Lehkha kan zir emaw hna atán kan train emaw thiam tih tling phâka kan beih a ngai a. Tin-zawn fel tak (job oriented) neia zir pawh a \ûl ang. Kut hna thawk tùr tán pawh tumruhna, taimâkna nen kan beih a ngai a ni. Sorkar lam pawhin hei hi ngaihthah lovin lehkhathiam hna hmu lo kan awm nghêk nghûk loh nán thapui kan thawh a \ûl tak meuh meuh a ni.

151120021220AM

THU LÂKNA TE :

Lehkha bu ràwnte:

1. Kum 100 Kristian Zofate hmabak, Bangalore Mizo Christian Fellowship - 1994.

2. Zoram Kalsiam 2, M. Lalmanzuala - 1999

3. Engtin nge ni ang? Kum sangbi tharah Mizo \halaite. Student Christian Movement of India ATC Unit - 1999.

4. Zirna tha ram ropuina. Synod Social Front - 1996

Souvenirs / Magazines etc.

1. 50th Anniversarry of Indian Independence 1947 - 1997. Souvenir Sub-Committee Celebration of 50th Anniversary of India's Independence.

2. Mizoram Millennium Souvenir. The Millennium Souvenir Sub-Committee 2000.

3. Mizoram Board of School Education Silver Jubilee 1976 - 2001. MBSE 2001.

4. Meichher 20th Anniversary Special Issue (1994 - 1995). Adult Education.

5. Meichher. August 2002.

6. MBSE Journal Vol-I Issue No I July-September 2002.

7. Zolentu. October 2000.

8. Mizoram Literacy Souvenir 1999, Directorate of School

Education.

9. Chhinlung Vol-XIII, Bangalore Mizo Association 2001-2002.

10. Census of India, Provisional Population Totals of Mizoram paper - I of 2001, P.K. Bhattacharjee IAS, Director of Census Operations, Mizoram.

11. Statistical Handbook 2001, Economic & Statistics Department, Government of Mizoram.