HMING THAR

In nuten engtin nge an koh \hin che u, an ko duat \hin che u em ? A \hen chu ‘Mama’ te an ti che u a, a \hen chu ‘Mami’ an ti \hin bawk che u ti rawh u. Mate, Tete, Mambawih te an ti \hin bawk ang che u ti r’u. Chutianga min koh chuan a nuam \hin ti rawh u. Duat deuh maia nu leh paten min han koh hi chuan a nuam \hin khawp mai. Miin min koh nan hian ‘Suala’ emaw ‘Vira’ emaw ‘Hmela’ min han ti mai sela chuan kan lungawi duh lo viau ang.

Naupang pakhat Siama hi Sikulah hian a sual \hin em em mai a, mi zawng zawngin Siam-Suala tiin an koh \hin a. A chhan chu a ngam zawng leh amah aia naupangte velh a chin em avang a ni. Insualte a hrat a, a huai em em a, mi pawhin an hlau em em a ni. Thil ti tura an tih te hi an tih loh chuan velhah a vau a, an tihsak hnu pawhin a la vel leh tho \hin si a, a sual thiam ti r’u. Siama chu Mama hian a hlau em em mai a.

Tlai khat chu Mama Sikul bang chu Siama chuan a lo chang a, a hmuh veleh chuan Mama chuan a hlau hle mai a. tlanchhiat a tum a, chutih lai tak chuan Siama chuan Mama chu a áwmah a \ham a, a hnek mawlh mawlh a, a namthlu a, a chhir zui nawk nawk mai a. A \hiante pawhin hmu ve reng mah se an chhan ngam bawk si lo va. Siama haw hnu chuan Mama chu lungchhe takin inah chuan a haw ta hna hna a

Chutia a haw hnu chuan a nute hnenah a chanchin chu a sawi a, a nute chuan an chhan ang em le ? A nute chuan, “E.... a pawi hle mai. Siama chu a la Piangthar ve lo a nih chu. Naupang piangthar chuan mi an tibuai ngai miah lo va, ngaidam rawh. Amah chu i haw tur a ni lo va, a tan i \awng\aisak zawk tur  a ni,” an lo ti a.

Mama chu an pawlah a thiam thei em em mai a, pakhatna a ni \hin a, kum tawp examah pawh pakhatna a ni leh a. A nu leh pate pawhin an lawmpui em em mai a. A pass chu an lawmsak dawn a. Pass lawmnaah chuan an pawl zawng zawng chu sawm vek turin an ti a. Mahse, Mama chuan,”Ka nu kan pawla mi zawng zawng chu sawm lovang. Siamate hian min vel min vel a, min tiduhdah bawk si, sawm ve lovang aw,” a ti a. Mahse a nu chuan,” E..... khai, chutiang chu a \ha lo. Pathian thuawih reng reng chuan mi zawng zawng an hmangaih tur a ni.Nang pawhin i chunga thil \ha lo tak titu chu i hmangaih tho tur a ni,” a ti a. Mama chuan Siama sawm ve chu a hreh hle mai a. A chhan pawh a lo hau hrep mai ang tih a hlauh vang a ni. Hlau tak chung chuan Siama hnenah chuan,”Siama, ka pass kan lawm dawn a, kan pawl zawng zawng kan sawm a, nang pawh lo tel ve turin kan sawm che a ni,” a va ti a. Rang takin a kal sawn ve leh ta nghal a. Pass lawm ni nghakin a haw leh ta a. 

Mama pass lawm ni tur chu a lo thleng a, a thuamhnaw \ha leh nalh ber berte a inbel a, nalh takin a inchei a. Hun an tiam hun dar a la rik hma deuh chuan a \hiante pawh an rawn kal kim hle tawh a. A han hawi kual a, Siam-suala chu  a la rawn kal ve lo va, a lawm rilru hle mai a; lo kal lo hram se a ti hle mai a. An han \ana, kawngka kik thawm a lo awm a. Mama chuan Siama a ni ang tih a hlau hle a, kawngka an han hawng chu Siama chu a lo ni ngei mai a! Siama chu fai taka incheiin a lo lut a. Mama hnenah chuan, “Mama, i chunga thil \ha lo tak tak ka lo tih \hin avang khan pawi ka ti hle mai, min ngaidam thei ang em ? Tumahin min kawm \hat duh loh avangin i Pass lawmnaah pawh hian min sawm ve duh ka lo ring lo va, mahse hmangaihna chu ka chungah i lantir a, chuvangin, kei pawhin thil sual ti tawh lo va thil \ha tih chauh ka tum tawh zawk a. Nangmahni anga Pathian thuawih nih ka duh ve tawh a ni. Mama, Pathian hnenah pawh ngaihdam ka dil tawh a, nang pawhin min ngaidam ve hram ang che aw,” a ti ta mai a. Mama chu a meng phawk hle mai a, “Siama, kei pawhin ka ngaidam ve a che,” a ti a. An inpawm a, hlim takin an \hu dun ta a. Chu chu a \hianten an hmuhin mak an ti em em mai a, chuta \ang chuan Siama pawh chu a nun a \ha ta hle a. Mi tihbuai leh ngam zawng velh \hin te chu a sim ta vek a. Chumai bakah miin a chunga thil \ha lo an tih chang pawhin a ngaidam hmiah zel a ni. Vawikhat pawh an sikulah Naupang Nungchang |ha Ber an thlang a, Siam-Suala an tih \hin pawh chu a nun a lo sim ta bawk a, Siama chu an thlang ta nghe nghe a. Siam-Suala an tih \hin pawh chu Siam-Nung chang\haa tih hialin an sawi phah ta a ni.

Keini pawh hi midang chuan kan hming tak pawh ni lovin : Harha, Ninhleia, Sualthiama, min lo ti ve mai thei. Mahse chutiang chuan miten min lo ti \hin a nih pawhin Pathian chuan Siama nungchang pawh a thlak thei a, keini pawhin Pathian thuawih kan duh chuan kan nungchang \ha lote pawh Pathianin min thlakthlengsak ve thei a ni tih kan hriat a \ha hle awm e. Pathian thu kan awih chuan Pathian fa kan lo ni ang a, thil sual tih leh thil \ha lo kan tih te kan lo sim dawn a ni. Chumai bakah HMING THAR : PATHIAN FA tia koh kan lo in tawh dawn a ni.     A tawp ta.