Sunna : Upa R.Rozika

UPA R. ROZIKA

(1939 - 2010)

VUI PROGRAMME

LEH

CHANCHIN

VUI   PROGRAMME

In lam

  A hun : 14.01.2010 Chhûn Dâr 11 : 00 A.M.

Vuitu : Rev. Dr.Lalhmangaiha

Bialtu Pastor

Thusawi   : 1. Pi Vanlalmawii ( A nupui)

2. Upa R.Rozâma

Hla : “Khawvêl hi bo mah se..”

K.H.B. No. 150

Biak In

A hun : 14.01.2010 Chhûn Dâr 12 : 30 P.M.

Hruaitu : Rev. Dr.Lalhmangaiha, Bialtu Pastor

Vuina thuchah: Upa Lalêngmawia

Moderator, Aizawl Central Presbytery

Thlanmual : Pastor

A chanchin

1. Pian leh murna : Upa R.Rozika hi Upa Khuanga (L) leh Lalbuaii (L) te fa pasarihte zînga a upa ber dawt niin Lamzâwl khua-ah April ni 25, 1939-ah a lo piang a. A pianpui unaute chu- Roliani, Ro\huami, Upa R.Rozama, Upa R.Rotluanga, Rohmingliani leh Rosiami te an ni. A pianna khua Lamzâwl-ah hian Primary School a zir hun chhûng thleng a awm tih loh chu zirna leh hnathawhna avângin hmun hrang hrangah a hun tam ber chu a hmang a ni.

2. Kum 1965, April ni 13-ah Pi Vanlalmawii, Pu Ngûrthankhuma(L) fanu nen Dawrpui Biak Inah Pastor Thanga (L) kutah inneiin, fa panga, fanu 4 leh fapa 1 an nei a, chû’ngte chu-

1) R.Lalmuanpuii w/o Hmingdailova, Aizawl Venglai.

2) R.Lalremruata (ICAS) h/o Rimawii, New Delhi.

3) Dr.Lalduhawmi w/o Dr.Thomas Zomuana, Tuikhuahtlang, Aizawl.

4) R.Lalbiakhlû-i, New Delhi.

5) R.Lalmalsâwmi w/o Mat Plett, Canada.

Tunah hian tû 8, mipa 5 leh hmeichhia 3 an nei.

3. Zirna lam : Harsatna tam tak kaltlangin hmun hrang hrangah a zir a \ûl a.Vânneihthlâk takin a zir hun chhûngah bahlahna awm lo leh \ha taka pass zêlin B.Com (Hons.) a zawh thleng a zir a-

1) Govt. Middle School, Ngopa-ah Class VI - 1954

2) Govt. Mizo High School, Aizawl-ah Matric -1958

3) D.M. College, Imphal-ah Intermediate Commerce - 1960

4) Cotton College, Gauhati-ah B.Com (Hons.) - 1962

4. Hnathawh / Eizawnna: Harsatna avânga zir zawm zêl thei lovin B.Com (Hons.) a zawh veleh School-ah leh mi hnuaiahte a inhlawh kual hnu-ah kum 1968-ah Indian Audit & Accounts Service (IA&AS) a zawm a, India ram hmun hrang hrangah hna chi hrang hrang a thawk a-

1) Deputy Accountant General, Shillong (1971-72)

2) Deputy Secretary / Finance Secretary, Govt. of Mizoram (1972-77)

3) Deputy Chief Auditor, North Eastern Railways, Gorakhpur (1977-78)

4) Joint Director, Commercial Audit, New Delhi (1978-81)

5) Deputy Commissioner for SC & ST, Ministry of Home Affairs, New Delhi (1981-85)

6) Joint Director of Audit, Defence Accounts, Calcutta (1985 -86)

7) Accountant General, Punjab, Chandigarh (1986-91)

8) Principal Director, State Reports, New Delhi (1991-92)

9) Financial Adviser, North Eastern Council, Govt. of India, Shillong (1992-96)

North Eastern Council-a a thawhlai hian sawrkar hna chawlhsanin December 31, 1996-ah a pension ta a ni.

Sawrkar hna a chawlhsan hnu hian kum 2000 - 2001 khân Chairman, Pay Commission, Govt. of Mizoram atân ruat a ni a. Kum 2000, April a\angin kum 6 (ruk) chhûng Mizoram Presbyterian Church  Synod Office-ah Finance Manager hna a thawk leh a. Tunah hian Synod Finance Committee leh Synod Pension and Provident Fund Board Member a ni mêk a ni. Tin,  Member, Board of Directors, MUCO Bank kum 2008 a\angin vawiin ni thleng a ni mêk bawk.

Sawrkar hna a thawh chhung hian a phâk tâwkah rinawm tak leh dik taka thawh duh mi a ni a. Mite harsatna sutkianpui duhna rilru pu chunga thawk \hìn a ni a. Duhâmna tenawm / diklo laka fihlim tum tlat mi a ni.

5. Rawngbâwlna lam: Upa R.Rozika hi a naupan lai a\anga Pathian \ih mi, lehkha a zir lai pawha a awmna hmun apiangah a phâk tâwk rawngbâwlna-a inhmang \hìn a ni a. Naupang lam leh Puitling lam Sunday School-ah leh K|P-ah mawhphurhna hrang hrang, Dawrpui Kohhrana a awm chhûng pawhin a lo chelh tawh \hìn a. Sawrkar hna a thawhna hmun hrang hrangah pawh rawngbâwlna pêng hrang hrang leh mawhphurhna pawimawh tak tak a lo chelh tawh \hìn a ni. Hmun \henkhatah phei chuan Kohhran Upa (Presbytery member) atân thlan a ni \hìn. Tin,  zai ngaina mi, zaia rawngbâwlna-ah pawh a theih ang anga inhmang \hìnin kum 1963-a Mizo Zaipâwl Rev.Dr.Zairema hova India chhim fanga kal zîngah pawh a tel ve a. Kum 1967-a ‘A hmangaihna faktute’ Zaipâwl member hmasa zîngah tel vein hmun hrang hranga rawngbâwlna-ah pawh a lo tel ve \hìn a ni.

Kum 1995 khân Shillong Kohhran Upa atân thlan tlin niin 1996-ah nemngheh a ni a. Kum 2001-ah Aizawl Venglai Kohhran Upa atân thlan nawn leh a ni.

Sawrkar hna a\anga pension-a a lo chhuah hnu-ah pawh a awmna Kohhranah leh Bial a\anga Synod level thlenga nihna leh mawhphurhna hrang hrangte pawh a lo chelh ve tawh \hìn a. He’ngah hian a theih ang tâwk chhuaha \hahnemngai taka a rawngbâwlsak \hin Lalpa tân a lo inhmang ve \hìn a ni.

Amah hi tu leh fate hmangaih leh duat taka enkawl \hìn mi niin, an zînga awm leh khawsak hi nuam a tih ber a ni \hìn.

6. A hun hnuhnung leh a nat dân : Upa R.Rozika hian kawngnâ benvawn neiin zaipui hial a lo tâwk tawh a, chuti chungin a kawngnâ hi a dam tak tak loh avângin a harsatpui hle \hìn tih lohah chuan hrisel lohna bîk tak han sawi tur em em a nei lo va. A pum erawh chu a sawisel ve fo \hìn. November thla 2009 a\ang khân a thil ei a tui loh thu a sawi \an a, a taksa a thak \an a, a mitte pawh a eng deuh tih a inhre zui ta bawk a. Chutichungin, nikum 2009 Synod Inkhâwmpui ni khat ni kha a kal hrâm hrâm a, a fanu Dr.Lalduhawmi(Mate-i) te nupain an hriatin in check-up tura an tih angin December 10, 2009 khân investigation tiin a Mît (Gall bladder)dâwtah hnawhtu awmin a ping tih an hmu ta a. Tin, a pumte pawh check-up \haa an hriat avângin December 11, 2009-ah Endoscopy tih a ni a, a pumpuiah ‘Bâwk’ a awm tih leh cancer a ni tih hmuhchhuah a ni ta a. Hemi a nih avâng hian Kolkata, AMRI Hospital-ah refer niin December ni 14-ah Kolkata panpui a ni a. AMRI-ah hian a Mît dâwt hnawhtu hi duh anga an hriat chian theih loh avângin ni 16 December-ah Delhi-a AIIMS panpui leh a ni a, AIIMS-ah hian ngun taka investigation ti \ha lehin AIIMS Damdawi In, New Delhi-ah hian January ni 2, 2010-ah zai a ni ta a ni. Zînglam dâr 8 : 30 a\angin tlai lam dâr 6 : 00 thleng zai niin hlawhtling taka zai zawh nia hriat a ni a. Amah pawh \ha takin a lo harh chhuak a, January ni 6, 2010 khân trial feeding pawh neih a ni a, amaherawhchu, la dam \ha tâwk lo lai a awm tih hriat a nih avângin tihtâwp leh rih a ni a. A dam \ha leh mai tûra ngaih a nih lai leh a condition pawh \ha zêl nia hriat a nih laiin ni 11.1.2010 ( Thawh\anni) zan dâr 10 : 30 leh dâr 11 : 00 inkârah internal bleeding lo awm tâk avângin an buai ta thut a. Amah pawh nikhaw hre lovin a awm zui ta a. Thisen pawh unit 6 lai pek a ni chungin a dinhmun a hniam tial tial a, a B.P. te tlahniam zêlin Doctor-ten chhan tuma theihtâwp an chhuah laiin ni 12. 1. 2010 ( Thawhlehni) dar 2 : 30 p.m-a a peih loh tâk thlengin a harh chhuak zo ta lo a ni.

Khawvêl hi bo mah se KHB No. 150 1. Khawvêl hi bo mah se, Isua ka nei; Engkim dang ai pawhin, Amah ka duh. Khawvêl sual thimah hian, Thlamuantu an awm lo; Isua chauhvin a nei, Isua ka ta. 2. Ka thlarau, bo lovin, Isua zui la; Amahin chatuanin, A hruai ang che. Hrehawm a thlen pawhin, A thlamuan zêl ang che; I lungngaih a bo vang, Isua zui la. 3. Zân lo thleng mah sela, Isua ka nei; Ka tân khua a vâr ang, Isua êngin. Ka thlarau damna chu, Isua hnênah a awm; A thisenin min lei, Isua ka ta. 4. Thihna ka hnaih pawhin, Isuan min zui; A hnenah min hruai ang, Vânram thlengin. Chumi ka thlen hunin, Chatuanin ka châwl ang; Amah chu kumkhuain, Ka fak fo vang.

Khawvêl hi bo mah se

KHB No. 150

1. Khawvêl hi bo mah se,

Isua ka nei;

Engkim dang ai pawhin,

Amah ka duh.

Khawvêl sual thimah hian,

Thlamuantu an awm lo;

Isua chauhvin a nei,

Isua ka ta.

2. Ka thlarau, bo lovin,

Isua zui la;

Amahin chatuanin,

A hruai ang che.

Hrehawm a thlen pawhin,

A thlamuan zêl ang che;

I lungngaih a bo vang,

Isua zui la.

3. Zân lo thleng mah sela,

Isua ka nei;

Ka tân khua a vâr ang,

Isua êngin.

Ka thlarau damna chu,

Isua hnênah a awm;

A thisenin min lei,

Isua ka ta.

4. Thihna ka hnaih pawhin,

Isuan min zui;

A hnenah min hruai ang,

Vânram thlengin.

Chumi ka thlen hunin,

Chatuanin ka châwl ang;

Amah chu kumkhuain,
Ka fak fo vang.

Branch KTP Commitee-ten a ruang kan lakpui

Add caption