Zoom Lens lian ber world record-a Zoom ka duh ngawt mai!

Zoom Lens lian ber world record-a Zoom ka duh ngawt mai! 

-Ellis H.Pachuau 07102012

Zan rei tawh lam, naktuk a nih tawh hnuah Mobile a rawn rum vung vung a, nula hmel\ha deuh hlek, min vei em avanga mu thei lovin inthlahrung taka SMS chhiar nuam zet mai min thawn dawn emaw tiin phur zet maiin kan han hmet hawng a, SMS thawn tur hmu zo lo \hianpa KC Ruata ten ...some text missing....tih ngai khawp SMS a thuia thui, a seia sei mangkhen, vawi hnih vawi thum SMS update hnua hmuh kim theih chauh mai lehnghal chu min han thawn \hin chu a nia!

Amah inchei ngaina lo, hnar hmul bak beng lut ngai reng reng lo khan keini Pathianni a lo nih dek deka uite bo ang maia nghawnga inthlung reng kha min han hmu khawro ta a nia le! A bible chang reference nei zawnga mi hlate hnuh hnaih kan tum mek laiin pathian biaka a biak loh chauh, a taksa bung hrang zinga tel ve ta mai ni awma mawi, a Camera changchawiin, “Kawng engkimah mi hlate hnuh hnaihna \ha tak chu Zoom lens hi a lo ni e...” a lo ti thul! Kalvari rim a nam lo lutuk hian ka hria a! Amah hi Zoom Lens lian ber world record-a Zoom ka duh ngawt mai! 

A khur chhunga kan awm laiin pawn lam a\angin min rawn vei a, pawn lam a\angin thlarau mitmeng fiah ta zawkah a inngai tlat a! “Kohhran a\ang hian ka hming hi thaibo a la ngai mai thei a ni!” a la ti ta dah a! Jordan luiral daikai lo, thawh chhuahsa ring, thatchhe theology chuan a man a ni ngei mai tiin SMS inbox full thak khawpa seiin vawi duai lo chu ama inbox-ah ka han sermon a. Kutzungpui na urh khawpa ka chhut, vawi khata vawi thum tehmeuh vawi duai lo ka  thawnte lah chu vut laka vawih ang chauh a ni mai si. Bo leh tur awm chuang lo, hming ziahni bak la sande sikul lo i nih kha tiin a ruh lang rawt rawtin, a thling baw hawka ka han beih ngial pawhin ‘hmu fuh lo’ min la tilet zawk fan bawk si. A rilru chuan a lo inhlan tawh nge tih phei chu ka hre lo a, a chakai kaw tawp \an laklawh a ni mai mai lo’ng maw te ka ti bawk a.

A tarmit bun fiah lohzia chu a hre mawlh si lo! “Koh loh hranpa, keini duh vang reng ni lova a koh leh thlante hi chu khaikhin theih rual kan ni lo, Lalpan mit naute a pekte tan lo chuan hmuh theih a ni si lo,” a la ti ta cheu a! Inkhawm tura ka han sawm ve lah hian, ka sihhnipna lai hria hian rang mangkhen hian, “Ka inkhawm lovang a, ka lehkha bu ka present ang che,” tiin hniak phawi map lovin a sawi tak zung zung a; tun thlengin min la pe lem hlei law....

Keinin Kanan ram thar lutin kan rah chin chin kan ram tia ram kan zauh duai duai laiin ani tan chuan Kanan ram thar thlen ve chu sawi loh a lum a ni. Ani chuan Jordan lui tui hak bawrh bawrhin li mawng thuk lai berah a la pil vang vang dawn si a le. Ani chuan Jordan lui chu hleuh lova daikai a tum a, huh lova paltlang a tum a ni. Mosian Tuipui Sen a vuak chah ang mai khan Jordan lui pawh chu mi vuak chah sa a daikai a tum a, Mosia hun lai anga Pathian hnathawh sa rin reng a tum tlat a, hruaitu inthlakin Josuan a hruai tawh reng si a! Josua hunah chuan faisa ring lovin an thawh chhuah a ngai tawh si a. Kanan ram tharah chuan kan thawk thawk ang a, Lalpan min pui dawn a ni reng si a. Pipute pialral suangtuah dan ang chauhin faisa ringa khawsak a tum ringawt pek chu a nih hi. Che lova insawn a tum a, zuang lova persawn a tum bawk si a nih hi.  Samdala thei lo tur an sawi ang mai, a tla nghak ringawt chuan puar a har awm em mai te ka tia.

|hianpan a tuar ta a nih hi. A che che sih hlawkah!