E heu! E heu!

E heu! E heu!

-Ellis H.Pachuau

Lennaten Korean film Mizo \awnga lehlin an en miau chuan rilru-ah Zonet Mizo Idol 2011 intihsiak neih zan ni raw sek sek: a hmuhnawm kan ti emaw kan ti lem lo emaw , mahni inah kan en ngai lo va, engtiang pawhin mahni tawkin lo do ve bawk \hin mah ila, kawngka lu chungah ka hming ziak a intar a, Ration Card holder ka ni pawh lo ti vein, duhtawkin mahni inah chuan lo vawk lal len pawh ni ta tehreng ila : keini aia thu nei awmna hmunah chuan Cartoon pawh min lo hlui se, Langsung pawh min lo chhawpchhuahsak nise, Mizo Tarzan Roluaha film emaw Zocartoon – Liandova te unau pawh min lo hlui se, Flame of Desire (In Mizo) , Temptation of an Angel (In Mizo) pawh lo tichhuak se ihe lovin kan en a \ul \hin. Chu chu lei dan a ni miau si.

Mizo \awng ngei maia hnamdangte lemchan kan han thlir theih takah chuan ‘Enga?’ an tih pawh kan hriatpui theih tawh avangin ‘Mizo \awnga an lehlin dek dek tawh chu hmuhnawm tiin kan thlir ta vak mai a. Kan mizo lemchan chu a \hing te kan ti a, kan han en peih lo vel a, Cartoon thlenga an lehlin tak zel si avangin naupang pawhin a \awng hriat chian chu hmuhnawm ti takin an thlir ta a ni. Korean film te hi kan en uar em em a, an \awngkam chhiat chhiat (\awng an hman fimkhur loh) nen nen, naupangte enpui ngam pawh zuk ni lo va….tiin ka ngaihtuah a. Khawvela mahni intihlum tamna ber Korea ram film chan kan tuipui miau si a, mahni intihlum kan pung ta hluai pawh hi hei vang hi em ni ang tihte min ngaihtuahtir bawk a. Chu mai chu a la ni lo : mizo \awnga lettute hian mizo \awng an thiam ber lem lo va, pawisa an hmuhna a nih avangin a dik a dawk pawh thlu lovin an letling ta chiam em ni aw a tih theih a, chuvang chuan mizo \awng hi an tidal mai ni lovin an tichhe thei hial dawn niin ka hria.

Chutia rilru lamah Mizo Idol zunzamin min bual vel mek lai chuan Korean film chu a lo chhuak ve mek bawk a! Chuan, taksa phen zawngin mobile kan han kheuh a, chhungte hnenah ‘tunge tla, engzat nge zai tawh?’ tiin kan han sms ngam hram a nia! Tunge zai \ha a, tunge han hmuhnawm deuhte chu kan hre theiin kan hmu thei ta si lo va. Tu emawin mikhual hmaikeu deuhte a lo ngaizawng hman deuh ziah ang hian Reality Show-ah hian star lo nei leh hmanhmawh deuh zel mai ila, chawina ni hek lo le! Star deuhte chu an zai dan te, an chet vel dan reng reng hi a tawk kan ti vek mai a, an chet fuh loh deuh pawhin kan ngaidam thei zel a, an che reng reng hi zei deuh hah-ah kan ngai mai a. Tihian ka ngaihtuah a : Mi tupawh hian zei nih hi kan duh deuh \heuh a, engtia kan awm hian nge kan zei ang? tih hi kan ngaihtuah fo \hin a ni. Chuan, Zei hi tum vak tur a lo ni lo, a tehtu mit leh rilru azirin kan zeiin kan zei lo vel mai mai alawm U RC.

Heipui, Mizo Idol chuan Barakhaih Zante an han buatsaih a. Tv.Jimpuia’n tlangval tam tak min barakhaih nen chuan a inang lo deuh! Eheu! Eheu! te an rawn tia….’Khawnge leng ang aw…leng rei ta sa a, leng zel ang aw..leng tar law law ang…te an rawn tih tak chu…min rawn sak chhan ta em maw ni? …Hraileng awi lovin val ka fam mai awm e.. ‘ te an la rawn ti ta deuh deuh a, huiham. Buaina chhumpui kara leng zofaten, Puan ang hnawl ila chawltui ningzu, Chutin kan than lo sang zel se, Lungdamten laitual I leng za ang tih hian min kai harh se ka ti.