MUT NACHáNG HRE LO, THAWH NACHáNG HRE LO MIN TI

MUT NACHáNG HRE LO,  THAWH NACHáNG HRE LO MIN TI

Mahni tuina lam záwng tak te lo ni mah se Article pangngai ziahsa neih hi thil har tak a ni \hìn tih hi ka hre chiang ta hle, a chhuahna hmun tùr azirin. Hei tunah pawh hian ziahsa ka neih lehpek lo a! Tun kar Nilaini zan inkhâwm bân khán Committee meeting tùra kan \hut \hap hnu-ah Phone Call ka dawng a: BENGVARNA Article column-a thuziak tùra sâwmna thu ka dawng hi a lo ni a.

  Hei leh chen hi ka lo tlangvál ve ta a, tlangval chhûng hian meeting hrang hrangah ka tel hnem ve narawh e. Min rawn biak laia kan meeting pawh hi nikhata a vawi thumna tùr kan \hu khâwm mêk kha a ni a. Buai hi chu a buai theih ram ram hle mai. Thawh\anni zanah Group O.B. kan han \hu khâwm a, Thawhlehni zanah branch K|P, Nilaini chawhma lamah Office lam Welfare, chawhnu lamah Football Association lam, zanah inkhâwm banah K|P Group Committee kan han \hu khâwm ta kha a ni a. Thil inang lo tak tak ngaihtuahna sênga meeting ka neih tlut tlut lai tak maia Article ziak tùra sâwmna ka han dawng leh ta chu manganthlâk tak chu a ni. Sâwmna zahawm tak hi han hnawl mai pawh ka duh rum rum a; nimahsela, a lehlam zawngin ka ngaihtuah thuai a, kum 7 él-eu Chanchin Bu enkawltu lamah ka lo awm ve tawh avàngin, ka tawnhriat a\angin chhuah tùr zawnga kan buai \hinzia leh kan mamawh lai taka hmun ruak hnawh khat thei an awm \uma kan lâwm \hinziate kha ka hre chhuak nghal uaih uaih mai.

Thusawitu tam tak hian mut nacháng hre lo, thawh nacháng hre lo tiin \halaite a nawlpuiin min sawisel chiam chiam an chîng \hìn a. Pulpit-ah an au khãwk dum dum a, ngaithlatua \an chuan thiamthu sawina hun awm ngai hek lo le! Chuvangin, ’tah hian thiamthu ka’n sawi teh ang! Mihring khawsakzia a lo danglam a, eizawnna pawh a lo danglam tial tial a. Hmanlai mizo nunah chuan lo neiin chhûngkaw tam berte chuan ei an zawng a, zan lamah hma takin an mu a, zîng lamah buh déng tùr te, tui chawi tùrtein hma takin an tho \hin a ni. Chulam chu sawi tam vak pawh a ngai lem lo. Thãwm bengchheng pawh khaw laia bawng nu hur zui thãwm leh bawng insi te a ni deuh mai a, a fianrial raih vek mai. êng nise khawlai ên chu sawi loh mahni inchhûng pawh an ti êng zo lo a chha kha a ni a. Music bungrua lamah pawh dar leh khuang kha a ni mai a, chu pawh mahni inchhûnga vuak vak vak chi a ni lo va, khawtláng awmni kham leh thiltihpui nikhuaa vuak \hin a ni a. 

Tunah thung chuan eizawnna kawng hrang hrangah kan kal a, rimawi lam nise \henawmte mai ni lo, véng \henawmte hial tán pawha bengchheng thei bungrua kan nei a, lirthei thãwm ringawt pawh hi sual tham chu a ni. |henkhat chu zan lamah ei zawnga chhuak te an awm a, mahni inluma zan khaw tairek thleng thlenga hnathawk kan awm ta zêl bawk a.

Kan khawvêl hian a zir bawk a, in leh lo, hmunhma nei \ha ve lêm lo tán phei chuan zan reh, thãwm tlèm huna thil han ngaihtuah chet chet mai chu tihmâkmawh a lo ni ta a ni. Cable TV zârah hmuhnawm tam tak chhawpchhuah kan ni a, hmâna en tùr awm lo, a hnu-ah awm mumal lo kha tunah chuan tlaivara en tùr a awm reng tawh a, kan \halai nun za hian chu chu en kan lo châk a, rual pawlna a ni ve tlat. Zirlai tam tak, internet browse ngai, zan rei hnua internet a chak zawk vànga rei tak tak meng pawh an awm \hìn a. Men rei na na na chuan thawh a lo har \hin a, \halai tam tak chu kan meng rei a, kan tho har bawk \hìn a ni. Meng rei, mu rei nazawng hi hawklak vàng a ni kher lo tih kan hriat a \ha hle mai. Mahni tui zawng tak mai zan reh hnua han thawh a, intihharh nána kan han FB te phei hi chu nuam deuh asin! Meng rei leh mu rei hi eng nge an tih tih hriat phawt loh chuan a hman hman, a ka nei nazawngin sawisel chi a ni lo tih pawh lo hre ve ta zêl ila ava \ha dáwn em!!

...10022012...